ދާދި ފަހުން އެކްސް އަށް ރީބްރޭންޓްކުރި ޓްވިޓާގައި އެކައުންޓްތައް ބްލޮކްނުކުރެވޭ ގޮތް ހަދަން ނިންމައިފި އެވެ.
މިކަން އިއުލާންކުރައްވައި އޭގެ ވެރިޔާ އީލޮން މަސްކް ކުރެއްވި ޓްވީޓެއްގައި ވިދާޅުޗީ ފީޗާއެއްގެ ގޮތުގައި "ބްލޮކް" ދެން ބޭނުން ނުކުރާނެ ކަމަށެވެ. އަދި އޭގެ ބަދަލުގައި އެކައުންޓްތައް ދެން ކުރެވޭނީ "މިއުޓް" އެވެ. މި ބަދަލާ އެކީ އަމިއްލަ ޓައިމްލައިނުން ދެކެން ބޭނުންވާ އެކައުންޓްތައް "މިއުޓް" ބަޓަން މެދުވެރިކޮށް މިއުޓް ކުރެވޭނެ އެވެ.
Block is going to be deleted as a “feature”, except for DMs
— Elon Musk (@elonmusk) August 18, 2023
މި ބަދަލާ ގުޅިގެން ޓްވިޓާގެ ކުރީގެ ސީއީއޯ ޖެކް ޑޯޒީ ވެސް ތާއީދުކުރައްވައި، ޓްވީޓެއް ކުރައްވާފައިވެ އެވެ.
💯. mute only.
— jack (@jack) August 18, 2023
އެކައުންޓްތައް ބްލޮކް ކުރެވޭ ފީޗާ ޓްވިޓާ އިން ދޫކޮށްލަން ނިންމި އިރު، މިދިޔަ އަހަރުގެ އޮކްޓޯބަރުގައި އީލޮން ޓްވިޓާ ބައްލަވައިގަތް އިރު، ބްލޮކްކޮށްފައި ހުރި ގިނަ އެކައުންޓްތަކެއް އިޔާދަ ވެސް ކޮށްފައިވެ އެވެ. އޭގެ ތެރޭގައި އެމެރިކާގެ ކުރީގެ ރައީސް ޑޮނަލްޑް ޓްރަމްޕް ގަދަ މަޝްހޫރު ބައެއް މީސްމީހުންގެ އެކައުންޓްތައް ވެސް ހިމެނެ އެވެ
އީލޮން 44 ބިލިއަން ޑޮލަރަށް ޓްވިޓާ ބައްލަވައިގަތް ފަހުން އެކި ކަހަލަ ބޮޑެތި ބަދަލުތަކެއް ގެންނަވާފައިވެ އެވެ.