މިދިޔަ އަހަރު ރާއްޖޭގައި އެންމެ ހޫނުކޮށް ދެކެވުނު އެއް ވާހަކަ އަކީ އަލަމްގީރެއްގެ ވާހަކަ އެވެ. ބަންގްލަދޭޝްގެ އެ ޒުވާނާއާ އެކީ ދިވެހި ފިރިހެނުންތަކެއް އެއްޖިންސުން ގުޅުން ހިންގި މައްސަލަތަކެއް ފަޅާއަރައި، އެތައް ބަޔަކު ބޭޒާރުވި އެވެ. އެފަދަ ވީޑިއޯތައް ފުލުފުލުގައި އާންމުވި އެވެ.
މި މައްސަލަގަނޑުގެ ތެރެއިން އަލަމްގީރާ އެކީ ގުޅުން ހިންގި ބައެއް މީހުންނަށް ދައުވާ ވެސް ކޮށްފައިވެ އެވެ.
ރާއްޖޭގައި ފަހަކަށް އައިސް އެއްޖިންސުން ގުޅުން ހިންގުމުގެ މައްސަލަތަކާއި އެފަދަ ކަންކަން ޕްރޮމޯޓްކުރުން ވަރަށް އިތުރެވެ. އަދި ރާއްޖޭގެ ހުރިހާ ހިސާބަކުން ވެސް މިފަދަ މައްސަލަތައް ފެންމަތިވެ އެވެ. އެގޮތުން އައްޑޫގައި ވެސް މިފަހަކަށް އައިސް އެއްޖިންސުންް ގުޅުން ހިންގާ މީހުންގެ މައްސަލަތައް ދަނީ އިތުރުވަމުންނެވެ. މީގެ ތެރޭގައި ގްރޫޕް ހަދައިގެން މިކަން ކުރާ މީހުން ތިބިކަމީ މިހާރު އެންމެންނަ ދަންނަ "ބޮޑު ސިއްރެކެ"ވެ.
މިފަދަ ކަންކަން އެނގޭ ބައެއް މީހުން ކިޔައި ދިން ގޮތުގައި އެފަދަ ބައެއް މައްސަލަތައް މި ފަހުން ފުލުހުންނަށް ރިޕޯޓްކުރި ނަމަވެސް އަޅައެއް ނުލަ އެވެ. އެހެންވެ މިކަން އެއް ދުވަހުން އަނެއް ދުވަހަށް އިތުރުވަމުންދާ ކަމަށް އެކި މީހުންގެ ފަރާތުން އެނގިފައިވެ އެވެ.
މީގައި އުޅެނީ ކޮން ބައެއް؟
ވާހަކަ ދެއްކި ބައެއް މީހުން ކިޔައިދިން ގޮތުގައި އެއްޖިންސުން ގުޅުން ހިންގާ މީހުން އައްޑޫގެ ހުރިހާ އަވަށެއްގައި ވެސް އެބަތިއްބެވެ. އަދި ބައެއް އަވަށްތަކުގައި މިކަން ވަކިން ބޮޑެވެ.
މިކަމުގެ އުޅޭ މީހުންގެ އުމުރު 16 އިން ފެށިގެން ގޮސް 50 އިން މަތީގައި އުޅޭ ކަމަށް ބައެއް މީހުންގެ ފަރާތުން އެނގިފައިވެ އެބެ. މީގެ ތެރޭގައި މީސްމީހުންނާ އިނދެގެން ދަރިން ތިބި މީސްމީހުންނާއި އައްޑޫގައި މަސައްކަތްކުރާ ބައެއް ފުލުހުންނާއި ސިފައިންނާއި ބައެއް އޮފީސްތަކުގައި މަސައްކަތްކުރާ މީހުންނާނާއި އިންސްޓިޓިއުޝަންތަކުގައި އެކި ކަހަލަ ކޯސްތައް ހަދާ މީހުންނާއި ޒިންމާދާރު މަގާމުތަކުގައި ތިބި އެކި އުމުރުގެ މީހުންނާއި އެއްޖިންސުން ގުޅުން ހިންގާ ކަމަށް ކުރިން ވެސް ރަށްރަށުގެ އާންމުންގެ ތެރޭގައި ނަންވެފައި ތިބި ބައެއް މީހުން ވެސް ޝާމިލުވެ އެވެ.
މީގެ އިތުރުން އައްޑޫގައި އުޅޭ އެހެން ބައެއް ހިސާބުތަކުގެ މީހުންނާއި ބިދޭސީން ވެސް ކޮންމެވެސް ވަރަކަށް އެއްޖިންސުން ގުޅުން ހިންގާ ގްރޫޕްތަކުގެ ތެރޭގައި އުޅޭ ކަމަށް އެނގިފައިވެ އެވެ. އަދި މިފަދަ ގްރޫޕްތައް އިތުރުވަމުންދާ އިރު، މިފަދަ ގުޅުންތައް ހިންގާ މީހުންގެ ނެޓްވޯކް ދަނީ ބޮޑުވަމުންނެވެ.
"މީގައި ސޯޝަލް މީޑިއާގެ ތަފާތު ޕްލެޓްފޯމްތައް އަދާކުރާ ދައުރު ވަރަށް ބޮޑު. އޭގެ އެހީގައި މިފަދަ މީސްމީހުން ހޯދައިގެން އެ މީހުންގެ ނެޓްވޯކްގެ ތެރެއަށް ވެއްދުން ވަރަށް ފަސޭހަ." ވާހަކަ ދެއްކި މީހަކު ބުންޏެވެ.
އޭނަ ކިޔައިދިން ގޮތުގައި ތަފާތު ޕްލެޓްފޯމްތަކުން ޒުވާން ފިރިހެން ކުދިން އެޑްކޮށްގެން، އެއްޖިންސުން ގުޅުން ހިންގާކަން ފާހަގަކުރެވެ އެވެ. އަދި މި އަމަލު ހިންގާ މީހުންނަށް ބައެއް މީހުން ފާރަލައިގެން އެ މީހުންގެ މަންޒަރުތައް ރެކޯޑް ވެސް ކޮށްފައިވެ ކަމަށް ބައެއް މީހުން ބުނެފައިވެ އެވެ.
ބައެއް މީހުން ކިޔައިދިން ގޮތުގައި އެއްޖިންސުން ގުޅުން ހިންގުމުގައި މިހާރު ފައިސާގެ ނުފޫޒު ވެސް އުޅޭ ކަމަށާއި ބައެއް ޒުވާނުން މިހާރު ފައިސާ ހޯދާ "ކުރު މަގަކަށް" ވެސް މިކަން ކުރާ ކަމަށެވެ.
މި ވާހަކަ ކިޔައިދިން މީހަކު ބުނީ މިކަމަށް ބާރު ލިބެނީ އޭނަ އަށް ދާދި ފަހުން ރެސްޓޯރަންޓެއްގެ ތެރޭގައި ޒުވާނުންތަކެއް ދައްކަނިކޮށް އަޑު އެހީ ވާހަކައަކުންނެވެ.
"ހައެއްކަ ޒުވާނުންތަކެއް އުޅުނު ގްރޫޕެއް. އޭގެ ތެރެއިން ދެތިން މީހަކު އެ މީހުންގެ ރައްޓެހިންނަށް މި ކިޔައި ދެނީ އެ މީހުން ގުޅުން ހިންގާ ބައެއް މީސްމީހުންގެ ވާހަކަ އާއި އެކަން ވަރަށް މަޖާ ވާހަކަ އާއި ފައިސާ ވެސް ލިބޭ ވާހަކަ،" އޭނަ ބުންޏެވެ. "އެހެންވެ މިކަމުގެ ތެރެއަށް ވަންނަން ދައުވަތު ދޭ ކަމަށް އެ މީހުން ބުނަނީ."
މި ވާހަކަ ކިޔައިދިން މީހާ ބުނި ގޮތުގައި އެ ވާހަކަ ދެއްކި ގްރޫޕް ތެރޭގައި އޭނަ ވެސް ދަންނަ ހަތަރު ވަރަކަށް ޒުވާނުން އުޅެ އެވެ. އެހެންވެ ފަހުން އެ މީހުންގެ ފޭސްބުކް ހާވާލި އިރު، އެއިން ވެސް އެ މީހުންގެ ތެރޭގައި މިކަން ފުޅާކުރުމަށް މަސައްކަތް ކުރަމުންދާކަމާއި އެފަދަ ގުޅުންތައް ހިންގާ ކަމަށް ރަށުތެރޭގައި ވާހަކަ ދެކެވޭ މީސްމީހުން ވެސް ތިބި ފާހަަކުރެވުނެވެ.
މިކަހަލަ ގިނަ މީހުންނަކީ "ވަރަށް ނޫން ކަމަށް" ހެދިގެން އުޅޭ މީހުންނެވެ. އަދި މި ކަހަލަ ކަމެއް ކުރާނެ ކަމަށް ބަޔަކު ހީވެސް ނުކުރާ ކަހަލަ މީސްމީހުން މިކަމުގެ ތެރޭގައި އުޅެ އެވެ.
އެއްޖިންސުން ގުޅުން ހިންގާ މީހުން ނެޓްވޯކް ފުޅާކޮށް، ތަފާތު ހަރަކާތްތައް ވެސް އެފަދަ މީހުން މިހާރު ބާއްވަ އެވެ. އެގޮތުން "ގޭ ޕާޓީތައް" އިންތިޒާމުކުރާކަން އެނގޭ ކަމަށް މިކަން ދަންނަ މީހަކު ބުންޏެވެ. އެކަހެރި ތަންތަނުގައި ބާބާބަކިއު ހެދުމާއި މަސް ބާނަން ދިއުމާއި މަސް ހިފަން ދިއުމާއި ޕިކްނިކް ދިއުމާއި ކަސްރަތުކުރަން ދިއުމާއި ގްރޫޕް ހަދައިގެން އެސައިމަންޓް/ޕްރޮޖެކްޓްތައް ހަދަން ގެތަކަށް ޖަމާވުން ފަދަ ކަންކަން ކުރުމުގެ ނަމުގައި އެއްޖިންސުން ގުޅުން ހިންގާ މީހުން އެކަން މިހާރު ކުރަމުންދާ ކަމަށް އޭނަ ބުންޏެވެ.
"މި ފަހުން މި ރަށަށް ބަދަލުވި މީހަކު މި ފަހުން ޒުވާން ފިރިހެން ކުދިންތަކެއް ގޮވައިގެން ވަރަށް އާންމުކޮށް ބުރުޖަހާ ތަން ފެންނާނެ. މި ބުނާ މީހާ އަކީ އޭނަ އެއްޖިންސުން ގުޅުން ހިންގި މައްސަލައެއްގައި ބަސްޓްވެ، ފުރަތަމަ ކައިވެނި ވެސް ރޫޅިފައި ހުރި މީހެއް،" ނަމާއި ރަށް ހާމަނުކުރާ ގޮތަށް އެ މީހާ ކިޔައި ދިނެވެ. "އޭނަ މި ރަށު މީހަކާ އިނދެގެން މި އުޅެނީ. ދަރިން ވެސް އެބަތިބި."
އޭނަ ކިޔައި ދިިން ގޮތުގައި މި މީހާ އާންމުކޮށް ގެންގުޅެނީ އޭނަގެ އުމުރަށް ވުރެ ދެގުނަ ހަގު ޒުވާނުންނެވެ. އަދި ރަށުތެރެއިން އިވޭ އަޑުތަކަށް ބަލާ އިރު، އޭނަ އަކީ މިހާރު އައްޑޫގެ ގުޅިފައިވާ އަވަށްތަކުގައި އެއްޖިންސުން ގުޅުން ހިންގާ ގްރޫޕްތަކުގެ މެދުގައި އެންމެ ނަގާކިޔާ އެކެކެވެ.
"އޭނަގެ ނެޓްވޯކް މިހާރު ވަރަށް ބޮޑު." އޭނަ ބުންޏެވެ.
މިކަމާ ކަންބޮޑުވުން ފާޅުކޮށް ވާހަކަ ދެއްކި މީހުން ކިޔައި ދިން ގޮތުގައި އެންމެ ބޮޑު ކަންބޮޑުވުމަކީ މިފަދަ މައްސަލައެއް ކަމާބެހޭ އެއްވެސް ފަރާތަކަށް ރިޕޯޓްކުރިޔަސް އަޅާނުލާތީ އެވެ.
"މިކަމުގައި އެބައުޅޭ ފުލުހުންނާއި ސިފައިން. އެހެންވީމަ ދެން ކިހިނެއް މި ކަހަލަ ކަންކަން ބެލޭނީ؟" އޭނަ ބުންޏެވެ. "މިކަން ހަގީގަތުގައި މިހާރު ބޮޑު ވަބާއަކަށްވެއްޖެ. ކިހިނެއް އެނގެނީ އެއްޖިންސުން ގުޅުން ހިންގުން އިތުރުވެފައިވާ މިންވަރުން މިކަމުގެ ސަބަބުން އަހަރެމެންގެ ތެރޭގައި ބަލިމަޑުކަމެއް ނެތް ކަމެއް ވެސް."
ވާހަކަ ދެއްކި އެހެން މީހަކު ބުނީ ޓެރަސްޓުން ހޯދަން ފުލުހުންނާއި ސިފައިން ބޮޑެތި އޮޕަރޭޝަން ޖައްސާ ގޮތަށް މިހާރު ލިވާތުކުރާ މީހުން ހޯދަން އޮޕަރޭޝަންތައް ޖެއްސުން މާ ރަނގަޅު ކަމަށެވެ.
"އަހަރެމެންނަށް މި ފަހުން ފެނޭ އައްޑޫގައި ޓެރަރިސްޓުން ތިބި ކަމަށް ބުނެ އެފަދަ މީހުން ބްލެކްލިސްޓްކޮށް، އެ މީހުން އަތުލައިގަންނަން ބޮޑެތި އޮޕަރޭޝަންތައް ޖައްސާ ތަން،" އޭނަ ބުންޏެވެ. "އެއަށް ވުރެ މާ އައުލާކަން ބޮޑު ނޫންތޯ ބޮޑު ފާފައެއް އަދި އެހާ ހަޑިމުޑުދާރު އަމަލެއް މުޖުތަމައުގެ ތެރޭގައި ހިންގާ ބަޔަކު ހޯދައި އަތުލައިގަނެ، އެ މީހުންނާ މެދު ފިޔަވަަޅު އެޅިއްޔާ."
ޒިންމާދާރު މަގާމުތަކުގައި ތިބި ބައެއް މީހުންނާއި މީހުންނާ އިނދެގެން ބޮޑެތި ދަރިން ވެސް ތިބި މީހުން ވެސް "ބިރަކާ ނުލައި މަޖާކުރާ" އިރު، އައްޑޫގައި ކެފޭއެއް ހިންގާ މީހަކު އޭނަ އަށް ދާދި ފަހުން ތަޖުރިބާކުރަން ޖެހުނު ކަމެއްގެ ވާހަކަ ވެސް ހިއްސާކުރި އެވެ.
އޭނަ ކިޔައިދިން ގޮތުގައި އާންމުކޮށް އެ ކެފޭ އަށް ދާ މީހަކު އެތަނުގައި މަސައްކަތްކުރާ ބަންގްލަދޭޝްގެ ޒުވާނަކާ ބެހޭކަން ވަނީ ފަޅާ އަރައިފަ އެވެ.
"އޭނަގެ ފަރާތުން ފާހަގަކުރެވުނީ ކޮފީއަކަށް އޯޑަރުކުރީމަ ކޮފީ ހިފައިގެން ދިޔައިމަ، އެ ޒުވާނާގެ ގަޔަށް އަތްލައި ޖިންސީ ގުނަވަނުގައި ވެސް ހިފާކަން. ފަހުން އޭނަ ނިދަން އޮންނަ ތަން ހޯދައިގެން އެތަނަށް ވަދެ، އެއް ދުވަހަކު މި ބުނާ މީހާ އެ ޒުވާނާއާ ބެހުނު ވާހަކަ އަމިއްލަ އަށް މުވައްޒަފު ކިޔައި ދިނީ." އޭނަ ބުންޏެވެ.
މި މައްސަލަ ކެފޭގެ ވެރިމީހާ ފުލުހުންނަށް ރިޕޯޓްކުރި އެވެ. ވީކަމެއް ހަރާމެވެ. މިފަދަ އެތައް ކަމެއް ތަކުރާރު ވަނީ އެވެ.
ގިނަ ޒުވާނުންތަކެއް ކޯސް ހަދަމުން އަންނަ އިސްޓިއުޝަނެކެވެ. މި ތަނުގައި ރާއްޖޭގެ އެކި ހިސާބުތަކަށް ނިސްބަތްވާ ޒުވާނުން ވެސް އުޅެ އެވެ. މީގެ ތެރެއިން ގިނަ މީހުން އުޅެނީ އައްޑޫގެ އެކި އަވަށްތަކުގައި ކުއްޔަށް ތަންތަން ހިފައިގެންނެވެ. ބައެއް މީހުން ކިޔައި ދިން ގޮތުގައި މި މީހުން އުޅޭ ތަންތަނަކީ މިހާރު އެއްޖިންސުން ގުޅުން ހިންގުމުގެ ފޯރި ގަދަ ތަންތަނެވެ.
"އެފަދަ ތަންތަނަށް މި ބުނާ އިންސްޓިޓުޝަންގެ ވެރިންނާއި އެތަނުގެ މުވައްޒަފުން ވަދެނިކުމެ ހަދާތަން ވަރަށް ގިނައިން އެބަ ފެނޭ. މިކަމުގެ ހަގީގަތް ބަލާ އިރު، މި މީހުން ވެސް މި ގަންނަ ގަނޑަކީ މިއީ،" މީހަކު ކިޔައި ދިނެވެ. "މިކަމުގައި ދުވާލެއް ރޭގަނޑެއް ނޯވޭ."
އެހެން މީހަކު ކިޔައި ދިން ގޮތުގައި އައްޑޫގެ ބައެއް އަވަށްތަކުގެ ގެސްޓް ހައުސްތަކުން ކޮޓަރި ހޯދައިގެން އެތަންތަނުގައި ވެސް އެއްޖިންސުން ގުޅުން ހިންގާކަން ފާހަގަކުރެވިފައިވެ އެވެ. އެގޮތުން ހަފުތާ ބަންދު ފަދަ ދުވަސްތަކާ ދިމާކޮށް ގްރޫޕް ހަދައިގެން މިކަން ކުރާ ގްރޫޕްތައް އެބަތިއްބެވެ.
"ޔަގީންވާ ކަމަކީ މިކަން ވަރަށް ބޮޑަށް މި ތަނުގައި މިހާރު އޮތްކަން. ހިތާމަ މި ވާހަކަ ހަމައެކަނި ސިއްރެއްގެ ގޮތުގައި އެކަނި ދެކެވޭކަން،" ކަންްބޮޑުވުން ފާޅުކުރި މީހަކު ބުންޏެވެ. "މިކަން ހިނގާކަން މިކަން ކުރާ ބައެއް މީހުންގެ އާއިލާތަކަށް ވެސް އެނގޭ. އެކަމަކު ސިއްރުކޮށްގެން ތިބެނީ."