ޗެލްސީގެ ކެޕްޓަން، ޖޯން ޓެރީ އޭނާގެ ކަކުލަށް ލިބުން އަނިޔާއެއް ގައި 2 މަސް ދުވަހަށް ކުޅުމާ ދުރުގަ ހުރުމަށް ފަހު އިއްޔެ ޗެލްސީގެ 21 އަހަުން ދަށުގެ ޓީމާއި އެކު 45 މިނެޓަށް ކުޅެފި އެވެ.
ލިވަޕޫލްގެ 21 އަހަރުން ދަށުގެ ޓީމާއި ދެކޮޅަށް ކުޅުނު މި މެޗް ވަނީ 1-1 ކުން އެއްވަރުވެފައެވެ. މި މެޗް ބެލުމަށް ޗެލްސީގެ
މެނޭޖަރ ރަފާ ބެނީތޭޒް ވެސް ވަނީ ދަނޑަށް ގޮސްފަ އެވެ.
ޓެރީ ބުނީ ގިނަ ދުވަސް ތަކަކަށް ފަހު ކުޅުމާ ގާތަށް އާދެވުނީތީ ވަރަށް އުފާ ކުރާ ކަމަށެވެ. އަދި މި ފުރުސަތަކީ ސީނިއާ ޓީމުގެ ފުރަތަމަ 11 އިން ޖާގަ ހޯދުމަށް ވަރަށް މުހިންމު ފުރުސަތަކަށް ވެގެން ދާނެ ކަމަށް ވެސް ޓެރީ ވަނީ ބުނެފަ އެވެ. އަދި ކެތްތެރި ކަމާއި އެކު މަޑުމަޑުން އަނބުރާ ފުލް ފިޓްނެސް އަށް އާދެވޭނެ ކަމުގެ ޔަގީންކަން އެބައޮތް ކަމަށް އޭނާ ބުންޏެވެ.