އައްޑޫގައ އިމާރާތްކުރަން ހަމަޖެހިފައިވާ ކޯޓް ކޮމްޕްލެކްސް މަޝްރޫއަށް ކޮންސަންޓަންޓަކު ހޯދަން ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން އިއުލާންކޮށްފި އެވެ.
އެތަނުން ބުނީ މިކަމަށް ޝައުގުވެރިވާ ފަރާތްތަކުން މި މިހުގެ 31 ގެ މެންދުރު ފަހު 1:00 ގެ ކުރިން ޕްރޮޕޯސަލް ހުށަހަޅަން އެދޭ ކަމަށެވެ.
އައްޑޫ ކޯޓް ކޮމްޕްލެކްސް މަޝްރޫއަށް ކޮންސަލްޓަންޓަކު ހޯދަން އިއުލާންކުރި، މި މަޝްރޫއުގެ ކޮންޓްރެކްޓަރަކީ އެސްޖޭ ކުންފުނި އެވެ. އެ ކުންފުންޏާ އެކީ ޑީޖޭއޭ އިން އެއްބަސްވުމުގައި ސޮއިކުރީ މި އަހަރުގެ މެއި 10 ގަ އެވެ. އެ ކުންފުންޏާ މި މަޝްރޫއި ހަވާލުކުރީ މަސައްކަތް ފަށާތާ 360 ދުވަހުގެ ތެރޭގައި ނިންމާ ގޮތަށެވެ. މިއީ ސަރުކާރުގެ ޕީއެސްއައިޕީ ބަޖެޓުން 123 މިލިއަން ރުފިޔާ ޙަރަދުކޮށްގެން ހިންގާ މަޝްރޫއެކެވެ.
އައްޑޫ ކޯޓު ކޮމްޕްލެކްސް އަކީ ޑިސްޓްރިކްޓް ކޯޓު ވިސްނުމުގައި ގާއިމުކުރެވޭ މިފަދަ ފުރަތަމަ ކޯޓު ކޮމްޕްލެކްސް އެވެ.