މީހަކު ރަހީނުކޮށް އަދި އެ މީހާގެ ބޭންކް އެކައުންޓުން ފައިސާތަކެއް ފޭރުނު މައްސަލައަކާ ގުޅިގެން ކުރީގެ ފިލްމީ ތަރި އަލީ ޝާހިދު (ސްޓެޕް އައްޔަ) ހައްޔަރުކޮށްފި އެވެ.
ފުލުހުން އޭނަ ހައްޔަރުކޮށްފައި ވަނީ ފޯޖަރީގެ މައްސަލައަކާ ގުޅިގެން މި މަހުގެ މެދު ތެރޭގައި ހޯދަން ވެސް އިއުލާންކޮށްފައި ވަނިކޮށެވެ. އެނގިފައިވާ ގޮތުގައި މި މަހުގެ ކުރީކޮޅު މީހަކު ރަހީނުކޮށް، އަނިޔާކޮށް ފައިސާތަކެއް ފޭރިގެންފައި ވަނީ އައްޔަ އާއި
އިތުރު ބަޔަކާ ބައިވެރިވެގެން މާލޭ ގެއެއްގެ ތެރޭގަ އެވެ.
ފުލުހުން އޭނަ ހައްޔަރުކުރީ ކޯޓް އަމުރެއްގެ ދަށުންނެވެ. ނަމަވެސް މިކަމާ ގުޅިގެން ފުލުހުން ރަސްމީކޮށް އަދި ވަކި އެއްޗެއް ނުބުނެ އެވެ.