އިންޑިއާގެ އެހީގައި ރާއްޖޭގައި އިތުރު ތިން މަޝްރޫއެއް ހިންގަން ހަމަހިފައިވާ ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެ އެވެ.
އޭނަ ކުރެއްވި ޓްވީޓެއްގައި ވިދާޅުވީ އެ ތިން މަޝްރޫއަކީ ފ. ދަރަނބޫދޫގައި ވޮލީ ކޯޓެއް ތަރައްޤީކުރުމާއި އެ އަތޮޅު ނިލަންދޫގައި ކުޑަކުދިންގެ ޕާކާއި އައުޓްޑޯ ޖިމެއް ހެދުމުގެ އިތުރަށް ހއ. ތުރާކުނުގައި ޔޫތު އެންޑް ކޮމިއުނިޓީ ސެންޓަރެއް ހެދުމެވެ.
އިންޑިއާގެ ހިލޭއެހީގެ ދަށުން ކުރިއައްގެންދާ އެޗްއައިސީޑީޕީ ސްކީމްގެ ދަށުން އިތުރު ތިން މަޝްރޫއެއް އިންޑިއާ ސަރުކާރުން ފާސްކޮށްފައިވާކަން އުފަލާއެކު ފާހަގަކުރަން.
1. ފ. ދަރަނބޫދޫގައި ވޮލީ ކޯޓެއް ތަރައްޤީކުރުން
2. ފ. ނިލަންދޫގައި ކުޑަކުދިންގެ ޕާކާއި އައުޓްޑޯ ޖިމް ތަރައްޤީކުރުން
3.…— Abdulla Shahid (@abdulla_shahid) August 31, 2023
މިނިސްޓަރު ވިދާޅުވީ މި މަޝްރޫއުތަކުގެ ސަބަބުން އެ ރަށްރަށުގެ އިޖްތިމާއީ އިގުތިސާދީ ތަރައްގީ އަށް ވަރަށް ބޮޑު ކުރިއެރުމެއް ލިބޭނެ ކަމަށެވެ.
ޝާހިދު ވިދާޅުވި ގޮތުގައި މި ތިން މަޝްރޫއަކީ އިންޑިއާގެ ހިލޭ އެހީގެ ދަށުން ކުރިއަށް ގެންދާ އެޗްއައިސީޑީޕީ ސްކީމްގެ ދަށުން ހިންގަން ހަމަޖެހުނު މަޝްރޫއުތަކެއް ކަމަށެވެ.
އިންޑިއާގެ އެހީގައި ރާއްޖޭގައި އަންނަނީ ތަފާތު ގިނަ މަޝްރޫއުތަކެއް ހިންގަމުންނެވެ. އޭގެ ތެރޭގައި ވަރަށް ބޮޑެތި މަޝްރޫއުތަކާއި ކުދިކުދި މަޝްރޫއުތައް ވެސް ހިމެނެ އެވެ.