އައްޑޫ ސިޓީ ކައުންސިލް އިދާރާ އަށް ކާރެއް ސަޕްލައިކޮށް ދޭނެ ބަޔަކު ހޯދަން ބީލަމަށް ހުޅުވާލައިފި އެވެ.
ކައުންސިލުން ބުނީ މިކަމަށް ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މި މަހުގެ 17 އާ ހަމައަށް ހުޅުވާލާފައިވާ ކަމަށެވެ. މި ބީލަމުގައި ބައިވެރިވާން ރަޖިސްޓްރޭޝަނަށް 300ރ. ގެ ފީއެއް ދައްކަން ޖެހެ އެވެ. އަދި ރަޖިސްޓްރީވެވޭނީ މި މަހުގެ 6 ގެ މެންދުރު ފަހު 2:00 އާ ހަމައަށެވެ.
ކައުންސިލުން ބުނީ ކާރެއް ސަޕްލައިކޮށް ދޭން ބީލަން ހުށަހެޅުމުގެ ފުރުސަތު އޮންނާނީ މި ބާވަތުގެ ވިޔަފާރި އަށް ރަޖިސްޓްރީކޮށްފައިވާ ކުންފުނިތަކަށް ކަމަށެވެ. އަދި ބީލަން ހުށަހަޅާ ފަރާތްތަކުން ބިޑް ސެކިއުރިޓީގެ ގޮތުގައި 5،000ރ. ހުށަހަޅަން ޖެހޭނެ އެވެ. ބިޑް ސެކިއުރިޓީގެ މުއްދަތަކީ ބިޑް ހުޅުވާ ތާރީހުން ފެށިގެން 120 ދުވަހެވެ.
އައްޑޫ ކައުންސިލް އިދާރާ އަށް ކާރެއް ސަޕްލައިކޮށް ދޭނެ ބަޔަކު ހޯދަން ބީލަމަށް ހުޅުވައިލި އިރު، ދާދި ކައުންސިލަށް ސަރުކާރުން ކާރެއް ދީފައިވެ އެވެ.