މި އަހަރު އިންޑިއަން އޯޝަން އައިލެންޑް ގޭމްސް (އައިއޯއައިޖީ) ގައި ރާއްޖެ އިން ހޯދި ކާމިޔާބީ ފާހަގަކުރަން އަންގާރަ ދުވަހުގެ ރޭ މާލޭގައި ހަވާ އަރުވަން ނިންމައިފި އެވެ.
އެކަން ކުލަގަދަކޮށް ފާހަގަކުރަން ބާއްވާ ރަސްމިއްޔާތު އޮންނާނީ އަންގާރަ ދުވަހުގެ ރޭ 8:45 ގައި ޖުމްހޫރީ މައިދާނުގަ އެވެ.
#IOIG2023 ގައި ދިވެހި އެތުލީޓުން ހޯދި ތާރީޙީ ރަން ކާމިޔާބީ ފާހަގަކޮށް މަރުހަބާ ކިޔުމަށް ސެޕްޓެމްބަރު 5 ވަނަ ދުވަހުގެ ރޭގަނޑު 21:00 ގައި ރަތްކުލައިން ޖުމްހޫރީ މައިދާން ފުރާލަމާ ހިންގަވާ.
ހަވާ އެރުވުމާއިއެކު ކުލަގަދަ މަރުހަބާ އެއް ކިޔުމުގެ ތައްޔާރީތައް ކުރިއަށް.
މިޤައުމީ… pic.twitter.com/ky182XUB7t
— Ahmed Mahloof (@AhmedMahloof) September 3, 2023
އެ ރަސްމިއްޔާތުގައި ކުޅުންތެރިންނަށް މަރުހަބާ ކިއުމުގެ ގޮތުން ވީހާ ވެސް ގިނަ ބަޔަކު ގައުމީ ކުޅިވަރު ހެދުމެއްގައި ޖުމްހޫރީ މައިދާނަށް ދިއުމަށް ޔޫތު މިނިސްޓްރީން އެދިފައިވެ އެވެ.
މިކަމާ ގުޅޭ ތައްޔާރީތައް އެ މިނިސްޓްރީން މިހާރު އަންނަނީ ވަމުންނެވެ.