ޕޯސްޓް ޕްރޮޑަކްޝަންގެ މަސައްކަތާ ހަމައިން ހުއްޓިފައިވާ ފިލްމް "އިންތިހާ" މި އަހަރު ބެލުންތެރިންނާ ހަމައަށް ގެނައުމުގެ މަސައްކަތް ފަށައިފި އެވެ.
މީގެ ފަސް ވަރަކަށް އަހަރު ކުރިން ސްރީ ލަންލާގައި ޝޫޓްކޮށްފައިވާ މި ފިލްމުގައި ލީޑް ރޯލް ކުޅެފައި ވަނީ ޔޫސުފް ޝަފީއު (ޔޫއްޕެ) އާއި މުހައްމަދު ފައިސަލްގެ އިތުރުން ފާތުމަތު ފަރީލާ އާއި މަރިން އަފީފާ އެވެ.
މީގެ އިތުރުން ހުސައިން ސޮބާ ވެސް "އިންތިހާ" ގެ މުހިއްމު ރޯލަކުން ފެނިގެން ދާނެ އެވެ.
މި ފިލްމް ޕްރޮޑިއުސްކޮށްފައި ވަނީ ސޮބާގެ އިލެވަން އިލެވަން ޕްރޮޑަކްޝަނުންނެވެ. "އިންތިހާ" ޑައިރެކްޓްކޮށްފައި ވަނީ ޔޫއްޕެ އެވެ.
ފައިސަލް ބުނީ މި އަހަރުގެ ތެރޭގައި "އިންތިހާ" ސްކްރީނަށް އަންނާނެ ކަމުގެ އުންމީދު ބޮޑު ކަމަށެވެ.
އޭނާ އިތުރަށް ބުނީ އެ ފިލްމަކީ އޭނާ ވަރަށް މުހިއްމު ރޯލެއް ކުޅެފައިވާ ފިލްމެއް ކަމަށާއި ފިލްމު ބެލުންތެރިންނަށް ކަމުދާނެ ހުރިހާ ރަހަތަކެއް ހުންނާނެ އެވެ.
ފައިސަލް "އިންތިހާ" ގައި ކުޅެނީ ނެގަޓިވް ރޯލެކެވެ.