ހއ. ތުރާކުނުގައި މިސްކިތް ބިނާ ކުރަން އެމްޓީސީސީއާ ހަވާލުކޮށްފި އެވެ.
މި މަޝްރޫއުގެ އެއްބަސްވުމުގައި އިއްޔެ އެ ކުންފުނީގެ ފަރާތުން ސޮއިކުރެއްވީ ސީއީއޯ އާދަމް އާޒިމެވެ. މިނިސްޓްރީގެ ފަރާތުން ސޮއިކުރެއްވީ އިސްލާމިކް މިނިސްޓަރު ޑރ. އަހުމަދު ޒާހިރު އަލީ އެވެ.
ހއ. ތުރާކުނު މިސްކިތް ބިނާ ކުރުމުގެ މަޝްރޫޢު ސަރުކާރުން މިއަދު އެމްޓީސީސީއާއި ހަވާލުކޮށްފި
ޕްރެސް ރިލީޒް: https://t.co/GSCMprWMV3 pic.twitter.com/01I8ZbIrzi
— MTCC Plc (@MTCCPlc) September 6, 2023
މި މަޝްރޫޢުގެ ދަށުނ،ް ތުރާކުނުގައި އިމާރާތް ކުރަން ހަމަޖެހިފައި ވަނީ ދެ ޖިންސުގެ މީހުންނަށް ނަމާދުކުރެވޭ 300 މީހުންގެ ޖާގައި މިސްކިތެކެވެ. މަސައްކަތް ފަށާތާ އަހަރު ދުވަހުގެ ތެރޭގައި ނިންމަން ޖެހޭ މި މަޝްރޫއަށް 11.21 މިލިއަން ރުފިޔާ ހަރަދުދާނެ އެވެ.
މިސްކިތެއް އިމާރާތްކުރަން އެމްޓީސީއާ ހަވާލުކުރި އިރު، ސަރުކާރުގެ މި ކުންފުނިން އާންމުކޮށް މައިގަނޑު ގޮތެއްގައި ހިންގާ މަޝްރޫއުތަކުގެ ތެރޭގައި ހިމެނެނީ ބަނދަރުތައް ހެދުމާއި ބިން ހިއްކުމާއި އެއާޕޯޓް ހެދުން ފަދަ މަޝްރޫއުތަކެވެ.