އައްޑޫ ހުޅުދޫގައި ސަރުކާރުން ތަރައްޤީކުރި އާ ބަނދަރު ހުޅުއްވައިފި އެވެ.
އެ ބަނދަރު ހުޅުވައި ދެއްވީ ރައީސް އިބްރާހީމް މުހައްމަދު ސޯލިހެވެ.
މިއީ އެމްޓީސީސީއާ ހަވާލުކޮށްގެން ހިންގި މަޝްރޫއެކެވެ. މި މަޝްރޫޢުގެ ދަށުން، ބަނދަރު ފުންކޮށް، އެއްގަމުތޮއްޓާއި ބޭރުތޮށި ޖަހައި، ލޭންޑިން ކްރާފްޓްތަކަށް ބޭނުން ކުރެވޭނެ ރޭމްޕެއް ހަދާފައިވެ އެވެ. އަދި ނެރުބައްތި އާއި ބަނދަރު ބައްތި ޖަހައި، ޕޭވްމެންޓް ހެދުމުގެ އިތުރުން ބަނދަރުގެ ބޭރުން މޫދަށް އެރެން ޚާއްޞަ ސަރަހައްދެއް ވެސް ހަދާފައިވެ އެވެ.
ރައީސް ކެމްޕޭނަށް އައްޑު އަށް ވަޑައިގެންނެވީ އިއްޔެ އިރާކޮޅު އެވެ. ރައީސްގެ ކެމްޕޭން ޖަލްސާއެއް މިރޭ ހިތަދޫގައި އޮންނާނެ އެވެ.