މޮރޮކޯ އަށް މިދިޔަ ހުކުރު ދުވަހުގެ ރޭ އައި ބިންހެލުމާ ގުޅިގެން އެ ގައުމަށް ދިވެހިން އެހީވާން އުރީދޫގެ އެމް-ފައިސާ މެދުވެރިކޮށް ހުޅުވާލައިފި އެވެ.
އުރީދޫން ބުނީ އެ ކުންފުނީގެ ޑިޖިޓަލް ވޮލެޓު އެމް-ފައިސާގެ މެދުވެރިކޮށް ކަސްޓަމަރުންނަށް އެމް-ފައިސާ އެކައުންޓު ނަމްބަރު 9306501 އަށް ބޭނުން އަދަދަކަށް ފައިސާ ހަދިޔާ ކުރެވޭނެ ކަމަށެވެ.
ހުކުރު ދުވަހުގެ ރޭ މޮރޮކޯގެ މަރަކޭޝް ސިޓީ އާއި އެ ސިޓީ ހިމެނޭ ސަރަހައްދުތަކށް ރިކްޓާ މިންގަނޑުން 6.8 ގައި އައި ބިންހެ،ލިމުގައި 2،000 އަށް ވުރެ ގިނަ މީހުން މަރުވެ، އެތައް ބަޔަކު ޒަހަމްވެފައިވ އެވެ. ބިންހެލުމުހައި ގިނަ އިމާރާތްތަކެއް ވެސް ވެއްޓި އެ އެއްޗެހީގެ ދަށުގައި މީހުން ތާށިވުނާއި ބައެއް މީހުންނަށް ވީނުވީއެއް ނޭނގިފައިވާތީ މަރުވި މީހުންގެ އަދަދު ވެސް އިތުރުވާނެ ކަމަށް އޮފިޝަލުން އަންޒާދާކޮށްފައިވެ އެވެ.
ހުކުރު ދުވަހުގެ ރޭ ބިންހެލުމަކީ 1960 ވަނަ އަހަރަށް ފަހު މޮރޮކޯ އަށް އައި އެންމެ ބާރުގަދަ ބިންހެލުމެވެ. މޮރޮކޯގެ އަގާދިރަށް 6.7 ގެ ބާރުމިނުގައި އެ ފަހަރު އައި ބިންހެލުމުގައި 12،000 އަށް ވުރެ ގިނަ މީހުން މަރުވެފައިވެ އެވެ.