ކުރީގެ ރައީސް މުހައްމަދު ނަޝީދު ގެންގުޅުއްވާ ކަމަށް ތުހުމަތު ކުރައްވާ ހަސަން ކުރުސީ އެކްސް އެކައުންޓުން، ދަ ޑިމޮކްރެޓްސް އިން ރިޔާސީ އިންތިހާބަށް ވާދަކުރެއްވި އިލްޔާސް ލަބީބު އަށް "އިންޒާރެއް" ދެއްވައިފި އެވެ.
މަޖިލީހުގެ ހުޅުދޫ ދާއިރާގެ މެމްބަރުކަން ވެސް ކުރައްވާ އިލްޔާސްގެ ފޮޓޯއަކާ އެކީ އެ ޕޯސްޓްގައި ވިދާޅުވެފައި ވަނި އޭނަ އަކީ މިހާރު ޕާޓީގެ ކުރީގެ ރިޔާސީ ކެންޑިޓޭޓް ކަމަށާއި އިލްޔާސަކީ ޕާޓީގެ އެހެން މެމްބަރުންނެކޭ އެއްގޮތަށް އާންމު މެމްބަރެއް ކަމަށެވެ. އެހެންވެ ޑިމޮރެކްޓްސްގެ ނަމުގައި އަމިއްލަ ހިޔާލު ފާޅުކުރެއްވުމާއި ޕާޓީގެ ނަމުގައި މީހުން އޮޅޭ ގޮތަށް ވާހަކަ ނުދެއްކެވުމަށް އެދިވަޑައިގަންނަވާ ކަމަށް ވިދާޅުވެފައިެވ އެވެ.
You’re the former presidential candidate of Dems. Now you’re an ordinary member. I urge @ilyas_labeeb to refrain from giving personal statements/views under party name & stop confusing people.
Dems’ members will decide the next step, not you. pic.twitter.com/BDkJRBgkfL
— Hassan Kurusee (@HKurusee) September 10, 2023
"ނަޝީދު" ވިދާޅުވީ ޕާޓީގެ ނިންމުންތައް ނިންމާނީ ޕާޓީގެ ހުރިހާ މެމްބަރުން ކަމަށާއި އެއީ އިލްޔާސްގެ ކުރައްވަން ޖެހިވަޑައިގަންނަވާ ކަމެއް ނޫން ކަމަށެވެ
މި މޭރުމުން "ނަޝީދު" އިލްޔާސަށް "އިންޒާރު" ދެއްވީ ރިޔާސީ އިންތިހާބުގެ ދެވަނަ ބުރަށް ވާދަކުރައްވާ ޕާޓީތަކާ ޑިމޮކްރެޓްސް އިން ކޯލިޝަން ހެދުމާ ބެހޭ ގޮތުން އޭނަ ދައްކަވާ ވާހަކަތަކާ ގުޅިގެން ކަމަށް ބެލެވެ އެވެ.
މި މަހުގެ 30 ގައި ބާއްވާ ދެވަނަ ބުރުގައި ވާދަކުރައްވަނީ އެމްޑީޕީގެ ކެންޑިޑޭޓް ރައީސް އިބްރާހީމް މުހައްމަދު ސޯލިހާއި ޕީއެންސީގެ ކެންޑިޑޭޓް ޑރ. މުހައްމަދު މުއިއްޒެވެ. މުއިއްޒަކީ 8 ކެންޑިޑޭޓުން ވާދަކުރެއްވި އިންތިހާބުގެ ފުރަތަމަ ބުރުގައި އެންމެ ގިނަ ވޯޓް ހޯއްދެވި ކެންޑިޑޭޓެވެ.
އެމްޑީޕީ އާއި ޕީއެންސީން ވެސް ވަނީ ކޯލިޝަން ހަދަން ޑިމޮކްރެޓްސް އަށް ހުށަހަޅައިފަ އެވެ. އެ ޕާޓީގެ ކައުންސިލުން މިއަދު މެންދުރު ފަހު ބާއްވާ ބައްދަލުވުމުގައި ގޮތެއް ނިންމާނެ އެވެ.