އަލިކެފޭ ސްޓްރީޓް ސޮކާރގެ ދެވަނަ ދުވަހު މުބާރާތުގެ ތިންވަނަ މެޗްގައި ހިތަދޫ މަލްޓި ޖީނިއަސް އަދި އެމްއެންޑީއެފް ބައްދަލު ކުރި މެޗް އެއްވެސް ޓީމަކަށް ލަނޑެއް ނުޖެހި އެއްވަރުވެއްޖެއެވެ. ފޯރިގަދަ ކުޅުމެއް ފެނިގެން ދިޔަ މި މެޗްގެ މޮޅު ކުޅުންތެރިއަކަށް ހޮވިފައިވަނީ މަލްޓީ ޖީނިއަސްގެ ޝަންވީލް ގާސިމް (ބޮންޑާ)އެވެ.
މިއަދު ހަވީރު ކުޅުނު މުބާރާތުގެ ހަތަރުވަނަ މެޗްގައި ފޭދޫ އެފް އާރްޓީ އާއި ހިތަދޫ ޔަންގް ވަންސް ބައްދަލު ކުރި މެޗްވެސް ވަނީ ލަނޑެއް ނުޖެހި އެއްވަރުވެފައިއެވެ.
މި މެޗްގެ މޮޅުކުޅުންތެރިއަކަށް ހޮވިފައިވަނީ ފޭދޫ އެފްއާރްޓީގެ އަބްރާހިމް އިޒްދިހާރު (އައްޒާ)އެވެ.
މުބާރާތުގެ ފަސްވަނަ މެޗްގައި މިރޭ ފޭދޫ ޔަންގް މެޖެންޓާ އަދި މެޖެންޓާ ބައްދަލު ކުރި މެޗްގައި ވެސް ލަނޑެއް ފެނިފައި ނުވެއެވެ. މެޗްގެ މޮޅުކުޅުންތެރިއަކީ މެޖެންޓާގެ މުހައްމަދު ތިލްމީޒު (ބިއްޑޭ) އެވެ.
މުބާރާތުގެ ހަވަނަ މެޗްވެސް ވީއެއްވަރެވެ. މި މެޗްަގއި ބައްދަލުކުރީ މަރަދޫ ފޭދޫ ޓީމް އާއި ފޭދޫ އެސްއެމްޓީ އެވެ. މެޗްގެ މޮޅު ކުޅުންތެރިއަކީ މަރަދޫ ފޭދޫ ޓީމްގެ އިބްރާހިމް ސައިފް (ބެންޖޯ) އެވެ.
މުބާރާތުގެ ހަތްވަނަ މެޗް މިހާރު އަންނަނީ ކުޅެމުންނެވެ. ފޭދޫ ހަބޭސް އާއި ފޭދޫ އެފަްވައިސީ ކުޅޭ ފޯރިގަދަ މެޗްގެ 2-0 ލަނޑުން ކާމިޔާބް ކުރީ އެފްވައިސީއެވެ. މެޗްގެ މޮޅު ކުޅުންތެރިއަކީ އެފަވައިސީގެ އިބްރާހިމް ޖުނާހްއެވެ.
މާދަމާ ހަވީރު އާއި ރޭގަނޑުވެސް މި މުބާރާތުގެ މެޗްތައް ކުޅެވޭނެއެވެ. މާދަމާ ހަވީރުގެ މެޗްގައި ބައްދަލު ކުރާނީ ޝަންގްރިއްލާ ޔުނައިޓެޑް އާއި ގަން ޕޮލިސް ޓީމެވެ.