ޕީއެންސީގެ ރީޔާސީ ކެންޑިޑޭޓް ޑރ. މުހައްމަދު މުއިއްޒި ކެމްޕޭނަށް މިއަދު ތިން އަތޮޅަކަށް ފުރާވަޑައިގެންފި އެވެ.
މި ދަތުރުގައި ކެމްޕޭން ހަރަކާތްތައް ހިންގަން ހަމަޖެހިފައި ވަނީ ހދ. ހއ. އަދި ށ. އަތޮޅުގެ ރަށްތަކުގަ އެވެ. މި ދަތުރުގައި މުއިއްޒާ އެކީ ޕީޕީއެމް/ޕީއެންސީގެ އިސް ވެރިންނާއި ޕީޕީއެމާ އެކީ މިދިޔަ ހަފުތާގައި ކޯލިޝަން ހެދި އެމްއެމްޕީގެ ލީޑަރު ކާނަލް މުހައްމަދު ނާޒިމް ވެސް ބައިވެރިވަޑައިގަންނަވަ އެވެ.
ނާޒިމަކީ މި މަހުގެ 9 ގައި ބޭއްވި ރިޔާސީ އިންތިހާބުގެ ފުރަތަމަ ބުރުގައި ވާދަކުރައްވައި އެންމެ މަދުން ވޯޓް ލިބުނު އެއް ކެންޑިޑޭޓެވެ.
މި މަހުގެ 30 ގައި ބާއްވާ ދެވަނަ ބުރަށް މުއިއްޒު ފޯރީގައި ކެމްޕޭން ކުރައްވަމުން ގެންދަވާ އިރު، މިދިޔަ ބުރާސްފަތި ދުވަހު ވެސް އޭނަ ދެ އަތޮޅަކަށް ވަޑައިގެންނެވި އެވެ. އެއީ އދ އާއި އއ އެވެ. އިންތިހާބުގެ ފުރަތަމަ ބުރުގެ ކެމްޕޭނަށް ވެސް މުއިއްޒު ބައެއް އަތޮޅުތަކަށް ވަޑައިގެންނެވި އެވެ.
ދެވަނަ ބުރުގައި މުއިއްޒާ ވާދަކުރައްވަނީ އެމްޑީޕީގެ ކެންޑިޑޭޓް ރައީސް އިބްރާހީމް މުހައްމަދު ސޯލިހެވެ.