ރިޔާސީ އިންތިހާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދު ނުކުރަން ފާރިސް މައުމޫން ނިންމަވައިފި އެވެ.
އޭނަ މި ގޮތަށް ނިންމެވި ފާރިސްގެ ތާއީދު ހޯދަން ދެވަނަ ބުރުގައި ވާދަކުރައްވާ އެމްޑީޕީގެ ކެންޑިޑޭޓް ރައީސް އިބްރާހީމް މުހައްމަދު ސޯލިހާއި ޕީއެންސީގެ ކެންޑޭޓް ޑރ. މުހައްމަދު ދެއްވި ދައުވަތުތަކާ ގުޅިގެން މަޝްވަރާތަކެއް ވެސް ކުރެވުނެވެ..
ނަމަވެސް ފާރިސް މިއަދު ވަނީ އެއްވެސް ކެންޑިޑޭޓަކަށް ތާއީދު ނުކުރައްވަން ނިންމަވައިފަ އެވެ. އެމްއާރްއެމަށް ނިސްބަތްވާ ފާރިސް އަކީ އަމިއްލަ ގޮތުން މި އަހަރުގެ އިންތިހާބަށް ވާދަ ވެސް ކުރެއްވި ކެންޑިޑޭޓެކެވެ. ކުރީގެ ރައީސް މައުމޫން އަބްދުލް ގައްޔޫމްގެ ދަރިކަލުންނަށް އިންތިހާބުގައި ލިބިވައިގަތީ 2،979 ވޯޓެވެ.
އިންތިހާބުގެ ފުރަތަމަ ބުރުގައި 8 ކެންޑިޑޭޓަކު ވާދަކުރެއްވި އެވެ. އިންތިހާބުގެ ދެވަނަ ބުރު އޮންނާނީ މި މަހުގެ 30 ގަ އެވެ.
އިންތިހާބުގައި ވާދަކުރެއްވި ކެންޑިޑޭޓުންގެ ތެރެއިން ދެވަނަ ބުރަށް ކާނަލް މުހައްމަދު ނާޒިމް މުއިއްޒަށް ތާއީދުކުރައްވައި އޭނަގެ އެމްއެންޕީން ވަނީ ޕީޕީއެމް/ޕީއެންސީއާ އެކީ ކޯލިޝަން ހަދައިފަ އެވެ. ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހީމް އެއްވެސް ކެންޑިޑޭޓަކަށް ތާއީދު ނުކުރައްވަން ނިންމަވައި، ޖޭޕީން އެއްވެސް ޕާޓީއަކާ ކޯލިޝަނެއް ނަހަދަ އެވެ.