މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އިން ވިއްކާ އީންޖީނު އިސްލާމިކް ބޭންކް މެދުވެރިކޮށް ނަގައިގެން ހާއްސަ ޑިސްކައުންޓެއް ލިބޭ ޕްރޮމޯޝަނެއް ފަށައިފިއެވެ.
މިކަމާއި ގުޅޭ އެއްބަސްވުމުގައި މިއަދު އިސްލާމިކް ބޭންކާއި އެމްޓީސީސީ ވަނީ ސޮއިކޮށްފައެވެ. އެމްޓީސީސީގެ ފަރާތުން އެއްބަސްވުމުގައި ސޮއި ކުރީ އެކުންފުނީގެ ސީއީއޯ އާދަމް އާޒިމް އެވެ. އެމްއައިބީ ގެ ފަރާތުން އެއްބަސްވުމުގައި ސޮއިކުރެއްވީ އެ ބޭންކުގެ މެނޭޖިންގް ޑިރެކްޓަރ މުފައްދަލް އިދްރީސް ޚުމްރީއެވެ.
Enjoy Discounts on MTCC Out-board and In-board Engines with MIB Ujaalaa Financing!
Valid from 20th September 2023 to 31st December 2023.
Don't Miss Out on this Opportunity!#Ujaalaafinancing pic.twitter.com/cGDxNn9116— MaldivesIslamicBank (@mibmv) September 20, 2023
މިއަދު ސޮއިކުރެވުނު އެމްއޯޔޫގެ ދަށުން، މިއަދުން ފެށިގެން މިއަހަރުގެ ޑިސެމްބަރު މަހުގެ ނިޔަލަށް އެމްޓީސީސީން ވިއްކާ ޔަންމާ އަދި ސުޒުކީ ބްރޭންޑުގެ އިންޖީނު ބައްލަވައިގަންނަވާ ކަސްޓަމަރުންނަށް ދިގުމުއްދަތަކަށް ބަހާލައިގެން އިސްލާމީ އުސޫލުތަކާއި އެއްގޮތަށް ފައިސާ ދެއްކޭނެއެވެ. އަދި ސުޒުކީ އައުޓްބޯޑު އިންޖީނުން (2.5 ހޯސްޕަވަރުން ފެށިގެން 325 ހޯސްޕަވަރާއި ހަމައަށް) 8 އިންސައްތަ ޑިސްކައުންޓް އަދި ޔަންމާ އިންޖީނުން (35 ހޯސްޕަވަރުން 1400 ހޯސްޕަވަރާއި ހަމައަށް) 5 އިންސައްތަ ޑިސްކައުންޓް ލިބޭނެ ކަމަށް އެމްޓީސީސީން ބުނެއެވެ.
ޕްރޮމޯޝަނާއި ގުޅޭގޮތުން ކަސްޓަމަރުން ހޭލުންތެރިކޮށް މައުލޫމާތު ދިނުމަށް، އެމްޓީސީސީ އަދި އެމްއައިބީ ތަފާތު ޕްރޮމޯޝަނަލް ހަރަކާތްތަކެއް ކުރިއަށް ގެންދަން ވަނީ ހަމަޖެހިފައެވެ. އެގޮތުން މީޑިއާ ކެމްޕެއިންތަކާއި، އޮޑިވެރިންނާއި އޮޑި ދޯނި ފަހަރު ބަންނަ ފަރާތްތަކާއި ބައްދަލުކޮށް މައުލޫމާތު ދިނުމުގެ ސެޝަންތައް ކުރިއަށް ގެންދިއުމަށް ވަނީ ހަމަޖެހިފައެވެ.
މީގެ އިތުރުން ވޯޓަރ ސްޕޯޓްސް ދައިރާގައި ހަރަކާތްތެރިވާ ފަރާތްތަކަށް އިންޖީނަށް ފައިސާ ދައްކަން ލުއިފަސޭހަ ގޮތްތަކެއް ހަދައިދެވޭނެ ކަމަށް އެމްޓީސީސީން ބުނެއެވެ.