މި އަހަރުގެ އޮސްކާ އެވޯޑް ހަފުލާ މިހާރު މި ވަނީ ނިމުމަކަށް އައިސްފަ އެވެ. އެމެރިކާގެ ލޮސްއެންޖަލިސްގެ ޑޮލްބީ ތިއޭޓަރުގައި ބޭއްވި 87 ވަނަ އޮސްކާ އެވޯޑް ހަފުލާގެ މުހިއްމު ވަނަތައް ހާސިލް ކުރި ފަރާތްތަކަށް މި ހިސާބުން ބަލާލުން ކިހިނެއް ވާނެ ބާވަ އެވެ؟
އެންމެ މޮޅު ފިލްމުގެ މަގާމު ގެންދިޔައީ "ބާޑްމޭން" އެވެ. އެއީ "އެމެރިކަން ސްނިޕާ" އާއި "ބޯއިހުޑް"، "ދަ ގްރޭންޑް ބުޑަޕެސްޓް ހޮޓެލް"، "ދި އިމިޓޭޝަން ގޭމް"، "ސެލްމާ"، "ދަ ތިއަރީ އޮފް އެވްރީތިން" އަދި "ވިޕްލަޝް" ވާދަކޮށްގެންނެވެ.
އެންމެ މޮޅު ބަތަލާއަކަށް ހޮވުނީ "ސްޓިލް އެލިސް" އިން ޖޫލިއަން މޫ އެވެ. އޭނާ އާ މި ކެޓަގަރީން ވާދަކޮށްފައި ވަނީ "ޓޫ ޑޭސް ވަން، ވަން ނައިޓް" އިން މެރިއޮން ކޮޓިލާޑާއި "ދަ ތިއަރީ އޮފް އެވްރިތިން" އިން ފެސިލީ ޖޯންސް އާއި "ގޯން ގާލް" އިން ރޮސަމަންޑް ޕައިކްހެ އިތުރުން "ވައިލްޑް" އިން ރީސް ވިދަސްޕޫން އެވެ.
އެންމެ މޮޅު ބަތަލުގެ އޮސްކާ އުފުލާލީ "ދަ ތިއަރީ އޮފް އެވްރީތިން" އިން އެޑީ ރެޑްމޭން އެވެ. މި ކެޓަގަރީން އޭނާ ވާދަ ކުރީ "ފޮކްސްކެޗަ" އިން ސްޓީވް ކެރެލް، "އެމެރިކަން ސްނިޕާ" އިން ބްރެޑްލީ ކޫޕާ، "ދި އިމިޓޭޝަން ގޭމް" އިން ބެނެޑިކްޓް ކަމްބަބެޗްގެ އިތުރުން "ބާޑްމޭން" އިން މައިކަލް ކީޓަން އެވެ.
އެންމެ މޮޅު ސަޕޯޓިން އެކްޓްރެސްގެ އެވޯޑް ހާސިލް ކުރީ "ބޯއިހުޑް" އިން ޕެޓްރީޝިއާ އާކްއެޓް އެވެ. އޭނާ އާ މި ކެޓަގަރީން ވާދަކޮށްފައި ވަނީ "ވައިލްޑް" އިން ލައުރާ ޑާން، "ދި އިމިޓޭޝަން ގޭމް" އިން ކެއިރާ ނައިޓްލީ، "ބާޑްމަން" އިން އެމާ ސްޓޯން އަދި "އިން ޓް ދަ ވުޑްސް" އިން މެރީލް ސްޓްރީޕެވެ.
އެންމެ މޮޅު ސަޕޯޓިން އެކްޓަރުގެ އެވޯޑް ހާސިލް ކުރީ "ވިޕްލަޝް" އިން ޖޭކޭ ސައިމަންސް އެވެ. އޭނާ އާ ވާދަ ކުރީ "ދަ ޖަޖް" އިން ރޮބަޓް ޑުވާލް، "ބޯއިހުޑް" އިން އީތަން ހޯކް، "ބާޑްމަން" އިން އެޑްވަޑް ނޯޓަން އަދި "ފޮކްސްކެޗާ" އިން މާކް ރަފަލޯ އެވެ.
އެންމެ މޮޅު ފޮރިން ފިލްމުގެ އެވޯޑް ގެންދިޔައީ ޕޮލަންޑްގެ "އިޑާ" އެވެ. އެއީ "ލެވިއާތަން"، "ޓެންޖެރައިންސް"، "ޓިމްބުކްޓޫ" އަދި "ވައިލް ޓޭލްސް" އާ ވާދަކޮށްގެންނެވެ.
އެންމެ މޮޅު ޑައިރެކްޓަރުގެ އޮސްކާ ހިއްލާލީ "ބާޑްމޭން" ގެ ޑައިރެކްޓަރު އެލަޖަންދްރޯ ގޮންޒާލެޒް އެވެ. މި ކެޓަގަރީން ދެން އޭނާ އާ ވާދަކޮށްފައި ވަނީ "ދަ ގްރޭންޑް ބުޑަޕެސްޓް ހޮޓެލް" އިން ވެސް އެންޑަސަން، "ބޯއިހުޑް" އިން ރިޗަޑް ލިންކްލޭޓާ، "ފޮކްސްކެޗާ" އިން ބެނެޓް މިލާ އަދި "ދި އިމިޓޭޝަން ގޭމް" އިން ގްރަހަމް މޫ އެވެ.
އެންމެ މޮޅު އެޑަޕްޓެޑް ސްކްރީންޕްލޭއަގެ އޮސްކާ އަތުލައިފައި ވަނީ "ދި އިމިޓޭޝަން ގޭމް" އެވެ. މި ކެޓަގަރީން ދެން އެ ފިލްމާ ވާދަ ކުރީ "އިންހެރަންޓް ވައިސް"، "އެމެރިކަން ސްނިޕާ"، "ވިޕްލަޝް" އަދި "ދަ ތިއަރީ އޮފް އެވްރިތިން" އެވެ.
އެންމެ މޮޅު އޮރިޖިނަލް ސްކްރީންޕްލޭގެ އޮސްކާ ގެންދިޔައީ ވެސް "ބާޑްމޭން" އެވެ. މި ކެޓަގަރީން އެ ފިލްމާ ވާދަ ކުރީ "ދަ ގްރޭންޑް ބުޑަޕެސްޓް ހޮޓެލް"، "ފޮކްސްކެޗާ"، އަދި "ބޯއިހުޑް" އެވެ.
އެންމެ މޮޅު ޑޮކިއުމަންޓްރީ ފީޗާއަކަށް ހޮވުނީ "ސިޓިޒަން ފޯ" އެވެ. އެ ފިލްމާ ވާދަ ކުރީ ފައިންޑިން ވިވިއަން މެއާ"، "ލާސްޓް ޑޭސް އިން ވިއެޓްނާމް"، "ދަ ސޯލްޓް އޮފް ދި އާތު" އަދި "ވިރުންގާ" އެވެ.
އެންމެ މޮޅު ލަވައިގެ އޮސްކާ ގެންދިޔައީ "ސެލްމާ"ގެ "ގްލޯރީ" އެވެ. މި ކެޓަގަރީން ދޭން ވާދަ ކުރީ "ދެ ލެގޯ މޫވީ" ގެ "އެވްރިތިން އިޒް އޯސަމް"، "ބިޔޯންޑް ދަ ލައިޓްސް" ގެ ގްރޭޓްފުލް"، "ގްލެން ކެމްޕްބެލް…އައިލް ބީ މީ" ގެ "އަ އެމް ނޮޓް ގޮނަ މިސް ޔޫ" ގެ އިތުރުން "ބިގިން އެގެއިން" ގެ "ލޮސްޓް ސްޓާޒް" އެވެ.
އެންމެ މޮޅު އެޑިޓިންގެ އޮސްކާ އުފުލާލީ "ވިޕްލަޝް" އިން ޓޮމް ކްރޮސް އެވެ. މި އެވޯޑަށް ދެން ވާދަ ކުރި ފިލްމުތަކަކީ "އެމެރިކަން ސްނިޕާ"، "ބޯއިހުޑް"، "ދަ ގްރޭންޑް ބުޑަޕެސްޓް ހޮޓެލް" އަދި "ދި އިމިޓޭޝަން ގޭމް" އެވެ.
އެންމެ މޮޅު އެނިމޭޝަން ފީޗާ ފިލްމަކަށް ހޮވުނީ "ބިގް ހީރޯ 6" އެވެ. މި ކެޓަގަރީން އެ ފިލްމާ އޮސްކާ އަށް ވާދަ ކުރީ "ދަ ބޮކްސްޓްރޯލްސް"، "ހައު ޓް ޓްރެއިން ޔޯ ޑްރަގަން"، "ސޮންގް އޮފް ދަ ސީ" އަދި "ދަ ޓޭލް އޮފް ޕްރިންސަސް ކަގުޔާ" އެވެ.
އެންމެ މޮޅު އެނިމޭޝަން ކުރު ފިލްމަކަށް "ދަ ބިގާ ޕިކްޗަ" އާއި "ދަ ޑޭމް ކީޕާ" އަދި "މީ އެންޑް މައި މޯލްޓޮން" އާއި "އަ ސިންގަލް ލައިފް" އާ ވާދަކޮށްގެން އޮސްކާ ގެންދިޔައީ "ފީސްޓް" އެވެ.