އުރީދޫން އައިފޯން 15 ގެ ޕްރީ-އޯޑަރަށް ހުޅުވާލައިފި އެވެ.
އެ ކުންފުނިން ބުނީ އެތަނުގެ މޫލީ މެދުވެރިކޮށް ދުރާލައި މިއަދުން ފެށިގެން ފޯނަށް އޯޑަރު ނަގަން ފަށާފައިވާ ކަމަށެވެ. އޯޑަރުކުރާ ކުރައްވާ ކަސްޓަމަރުންނަށް 29 ސެޕްޓެމްބަރު 2023 ގައި ފޯނު ހަވާލުކުރެވޭނެކަމަށް ވެސް އުރީދޫ މޯލްޑިވްސް ބުނެފައިވެއެވެ.
ކަސްޓަމަރުންނަށް ހާއްސަ އަގެއްގައި އައިފޯން 15 ސީރީޒްގެ ފޯނުތައް މޫލީ މެދުވެރިކޮށް ލިބޭނެ ކަމަށް ވެސް އުރީދޫން ބުނެ އެވެ.
މީގެ އިތުރުން ފޯނު ގަންނަ އުރީދޫ ނެޓްވޯކްގެ ކަސްޓަމަރުންނަށް ތިން މަސް ދުވަހުގެ މުއްދަތަކާ އެކޯ 100 ޖީބީ މޮބައިލް ޑޭޓާ މުޅިން ހިލޭ ލިބޭނެ އެވެ. ބޯނަސް ޑޭޓާ ހޯދުމަށް ފޯނު ޕްރީ އޯޑަރު ކުރާ ފަރާތްތަކުން "Bonus100GB" ކީވޯޑް ޖަހާފައި 5555 އަށް އެސްއެމްއެސް ކުރަން ޖެހޭނެ އެވެ.
ޕްރި-އޯޑަރާ ގުޅޭ އިތުރު އުރީދޫގެ މޫލީ ވެބްސައިޓުން ލިބޭނެ އެވެ.
އެޕަލް އިން އައިފޯން 15 ލޯންޗްކުރީ މި މަހުގެ 12 ގަ އެވެ. އައިފޯން 15 ގެ ހަތަރު މޮޑެލްއެއް ދައްކައިލި އެވެ. އެއީ އައިފޯން 15، އައިފޯން 15 ޕްލަސް، އައިފޯން 15 ޕްރޯ އަދި އައިފޯން 15 ޕްރޯ މެކްސް އެވެ.