ޓްރެފިކް ޖޫރިމަނާކޮށް ދޭން ނިންމާފައިވާތީ އެކަމަށް އެދުމުގެ ފުރުސަތު ހުޅުވާލައިފި އެވެ.
ޓްރެފިކް ޖޫރިމަނާތައް މައާފުކޮށް ދޭނީ އެކަމަށް ހާއްސަކޮށްފައިވާ ޕްރޮގްރާމެއްގައި ބައިބެރިވާ މީހުންނަށެވެ.
ޓްރެފިކް ޖޫރިމަނާތައް މައާފުކޮށް ދޭން ސަރުކާރުން ނިންމިކަން އިއުލާންކޮށްފައި ވަނީ ރައީސް އިބްރާހީމް މުހައްމަދު ކެމްޕޭން އިވެންޓެއްގަ އެވެ. އެގޮތުން ނޮވެމްބަރު 17، 2018 އިން ފެށިގެން މި މަހުގެ 5 އާ ހަމައަށް ކޮށްފައިވާ ޓްރެފިކް ޖޫރިމަނާތައް މައާފުކޮށް ދެއްވާނެ ކަމަށް ރައީސް ވިދާޅުވި އެވެ.
މިކަމާ ގުޅޭ ގޮތުން ޓްރާންސްޕޯޓް މިނިސްޓްރީން ބުނީ ޓްރެފިކް ޖޫރިމަނާތައް މައާފުކޮށް ދޭން ނިންމާފައި ޓްރެފިކާ ގުޅޭ ގަވާއިދުތަކާއި އިޖުތިމާއީ އެހެން މައްސަލަތަކަށް ހޭލުންތެރިކުރުމަށް ފުލުހުން ފަރުމާކޮށް ކަނޑައަޅާ 20 ގަޑިއިރުގެ ޓްރެއިނިން ޕްރޮގްރާމެއް ފުރިހަމަކުރުމުން ކަމަށެވެ. މި ޕްރޮގްރާމުގައި ބައިވެރިވުމަށް އެދޭ މީހުންނަށް އެ ފުރުސަތު ޓްރާންސްޕޯޓް މިނިސްޓްރީން މިހާރު ވަނީ ހުޅުވާލައިފަ އެވެ.
ޕްރޮގްރާމްގައި ބައިވެރިވުމުން އެ މީހަކަށް ޓްރެއިނިން ޕްރޮގްރާމްތައް ކުރިއަށްދާނެ ގޮތުގެ ޝެޑިއުލް ހިއްސާކުރާނެ ކަމަށް މިނިސްޓްރީން ބުންޏެވެ. މި ޕްރޮގްރާމް ހިންގުމަށް ހަމަޖެހިފަ ވަނީ ފުލުހުންގެ ދެ ހަފުތާ އާއި ހަފުތާ އާއި އެއް މަސްދުވަހަށް ވުރެ ދިގު ނުވާނެ ގޮތަކަށެވެ.
ޖޫރިމަނާ މަޢާފް ހޯދުމަށްޓަކައި ފުރިހަމަކުރަން ޖެހޭ ތަމްރީން ޕްރޮގްރަމްގައި ބައިވެރިވުމަށް އިއްޔެ ފެށިގެން އަންނަ މަހުގެ 25 ގެ ނިޔަލަށް ވަނީ ފުރުޞަތު ހުޅުވާލައިފަ އެވެ. ޕްރޮގްރާމްގައި ބައިވެރިވެވޭނީ ޓްރާންސްޕޯޓް މިނިސްޓްރީގެ ސިމްސް ޕޯޓަލް sims.transport.gov.mv މެދުވެރިކޮށެވެ.