ރާއްޖެ ޓްރާންސްޕޯޓް ލިންކުގެ ބަހުގެ ޚިދުމަތް ކުޅުދުއްފުށި ސިޓީގައި ރަސްމީކޮށް ފަށައިފިއެވެ.
އާރްޓީއެލް ބަހުގެ ޚިދުމަތް ރާއްޖޭގެ އުތުރުން ކުޅުދުއްފުށި ސިޓީގައި ފަށްޓަވައިދެއްވީ، ޑިފެންސް މިނިސްޓަރ މާރިޔާ އަހުމަދު ދީދީ އާއި އެމްޓީސީސީގެ ސީއީއޯ އާދަމް އާޒިމްއެވެ. މި ޚިދުމަތް ފަށްޓަވައި ދެއްވުމަށް ފަހު ކުޅުދުއްފުށީ ބަސް ދަތުރެއް އެ ބޭފުޅުން ވަނީ ތަޖުރިބާ ކޮށްފައެވެ.
We are excited to announce that we have extended our RTL bus service to Hdh. Kulhudhuffushi City. The bus service was officially inaugurated by Minister of Defence, Honorable Uz. @MariyaDidi, and CEO, @adamazim at a small function held tonight at Hdh. Kulhudhuffushi. As… pic.twitter.com/Yn1icN5FRw
— MTCC Plc (@MTCCPlc) September 27, 2023
އެ ސިޓީގައި ބަހުގެ ޚިދުމަތް ފެށިއިރު ފުރަތަމަ ދަތުރުތައް ކުރަން ފެށީ ހިލޭއެވެ. މީގެ ބޭނުމަކީ ބަސް ރޫޓުތަކަށް ކުޅުދުއްފުށި ސިޓީގެ ރައްޔިތުންގެ އަހުލުވެރިކޮށް ބަސްދަތުރުތަކަށް އަހުލުވެރިކުރުމާއި، ރަނގަޅު ކުރަންޖެހޭ ކަންކަން އޮޅުން ފިލުވުމެވެ. އަދި ވަކި މުއްދަތަކަށް ފަހު ބަހަށް އާރްޓީއެލް އެޕްލިކޭޝަން މެދުވެރިކޮށް ޓިކެޓް ނަގައިގެން ދަތުރު ކުރެވޭނެއެވެ. ހުރިހާ ބަސް ރޫޓެއްވެސް އެޕްލިކޭޝަން އަދި އޮންލައިކޮށް ބަލާލެވޭނެއެވެ.
ރާއްޖެ ޓްރާންސްޕޯޓް ލިންކަކީ ދަތުރުފަތުރުގެ ނިޒާމު ކުޅުދުއްފުށި ސިޓީގައި ރަސްމީކޮށް ފެށިއިރު، އުތުރުން ހއ. ދިއްދޫގައި އަދި ލ އަތޮޅުގައި ޚިދުމަތް ދެއެވެ. މީގެ އިތުރުން މާލެ ސަރަހައްދު ހިމެނޭހެން ރާއްޖޭގެ ދެކުނުން އައްޑޫސިޓީ އަދި ފުވައްމުލަކުގައި ޚިދުމަތް ދެއެވެ.
އާރްޓީއެލް ނިޒާމަކީ މުޅި ރާއްޖޭ ދަތުރުފަތުރުގެ ވިއުގާއަކުން ގުޅާލުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށް ގެންދާ މުހިންމު މަޝްރޫޢުއެކެވެ.