ބަންގްލަދޭޝްގައި ވަރަށް ބޮޑަށް ޑެންގޫ ހުން ފެތުރި، އެ ބަލީގައި ހާހެއްހާ މީހުން މަރުވެއްޖެ އެވެ.
އެ ގައުމުގެ ރަސްމީ އިދާރާތަކާ ހަވާލާދީ މީޑިއާތަކުން ބުނީ ޑެންގޫ ޖެހިގެން މި ފަހުން ގިނަ އަދަދެއްގެ ބަޔަކު މަރުވެފައިވާ އިރު، ބަލީގެ ހާލަތު އަދިވެސް ވަރަށް ގޯސް ކަމަށެވެ. އެގޮތުން ބަންގްލަދޭޝްގެ އެކި ހިސާބުތަކުގައި މިހާރު ވެސް މި ބަލި ވަރަށް ބާރަށް ފެތުރެމުންދާ އިރު، ހޮސްޕިޓަލްތައް ވެސް ވަނީ ފުރި ބާރުވެފަ އެވެ.
ޑެންގޫ އަކީ މަދިރީގެ ޒަރީރާ އިން ޖެހޭ ބައްޔެކެވެ.
ބަންގްލަދޭޝްގެ އޮފިޝަލުންނާ ހަވާލާދީ މީޑިއާތަކުނ ބުނީ ބަލި ކޮންޓްރޯލް ކުރަން ގިނަ ހޮންޖެހުންތަކަކާ ވެސް ކުރިމަތިލާން ޖެހިފައިވާ އިރު، މިއީ ފަހުން ބަންގްލަދޭޝްގައި ޑެންގޫގެ ހާލަތު މިހާ ބޮޑަށް ގޯސްވި ފުރަތަމަ ފަހަރު ކަމަށެވެ. އެގޮތުން ފާއިތުވި ދެ މަހުގެ ތެރޭގައި ބަލީގެ ހާލަތަށް ބަލާ އިރު، ކޮންމެ ދުވަހަކު މަދުވެގެން 20 މީހުން މަރުވަމުންދާ ކަމަށް ޕަބްލިކް ހެލްތު އޮފިޝަލުން ވިދާޅުވެ އެވެ.
ޑެންގޫ ހާލަތު ގޯސްވުމާ ގުޅިގެން ބައްޔަށް ހޭލުންތެރިކަން އުފެއްދުމުގެ މަސައްކަތް ވެސް އަންނަނީ ކުރަމުންނެވެ. އެގޮތުން މި ދުވަސްވަރަކީ ވިއްސާރަަ ވެސް ދުވަސްވަރަކަށްވުމާ އެކީ މަދިރި އުފެދޭ ތަންތަން ނައްތައިލަން އާންމުން ސަލާލުކަން ދިނުމަށް އިދާރާތަކުން އަންނަނީ އިލްތިމާސްކޮށް، އިރުޝާދު ދެމުންނެވެ.