މާދަމާ ބާއްވާ ރިޔާސީ އިންތިހާބުގެ ދެވަނަ ބުރު ބާއްވާ އިރު، ރައީސް އިބްރާހީމް މުހައްމަދު ސޯލިހުގެ ކެމްޕޭން ނިންމައިލުން ބޮޑު ހިނގާލުމަކުން ނިންމާލަން ތައްޔާރުވެއްޖެ އެވެ.
ކެމްޕޭން ކުރުމުގެ ވަގުތު އިރުއޮއްސި 6:00 ހަމަވާނެ އެވެ. އެމްޑީޕީގެ "އަމާން އުފާވެރި ރާއްޖެ" ކެމްޕޭން ނިންލާމުގެ ހިނގާލުން ފަށާނީ ހަވީރު 4:00 ގައި މާލޭގެ ސޯޝަލް ސެންޓަރާ ދިމާލުންނެވެ. އަދި މި ހަރަކާތް ނިންމައިލާނީ އުސްފަސްގަނޑު ސަރަހައްދަށެވެ. އެހެންވެ އެމްޑީޕީ އާއި އަދާލަތު ޕާޓީގެ މެމްބަރުންގެ އިތުރުން އެ ކޯލިޝަނަށް ތާއީދުކުރާ ވީހާ ވެސް ގިނަ ބަޔަކު ހިނގާލުމުގައި ބައިވެރިވާން އެދިފައިވެ އެވެ.
ރައީސްގެ ކެމްޕޭން މާލޭގައި ހިނގާލުމަކުން ނިންމާލާ އިރު، މުޅި ރާއްޖޭގައި މި ހަރަކާތް ކުރިއަށް ދާނެ ކަމަށް އެމްޑީޕީން ބުންޏެވެ. މި މަހުގެ 9 ގައި ބޭއްވި އިންތިހާބުގެ ފުރަތަމަ ބުރުގެ ކެމްޕޭން ތެރޭގައި ރައީސް 170 އަށް ވުރެ ރަށަށް ވަޑައިގެންނެވި އިރު، ދެވަނަ ބުރުގެ ކެމްޕޭންގެ ތެރެއިން މި ހަފުތާގައި ތިން ސިޓީއަކަށް ވަޑައިގެންނެވި އެވެ. އެއީ އައްޑޫ، ފުވައްމުލައް އަދި ތިނަދު އެވެ.
އިންތިހާބުގެ ދެވަނަ ބުރުގެ ވޯޓްލުން މާދަމާ ފަށާނީ ހެނދުނު 8:00 ގަ އެވެ. ވޯޓްލުން ކުރިއަށް ދާނީ ހަވީރު 5:00 އާ ހަމައަށެވެ.
ދެވަނަ ބުރުގައި ވާދަކުރައްވަނީ ރައީސާއި ޕީއެންސީގެ ކެންޑިޑޭޓް ޑރ. މުހައްމަދު މުއިއްޒެވެ