ސަރުކާރު ބަންދުވިޔަސް މާދަމާ ބޭންކުތަކާއި އަދި އެމްއެމްއޭއިން ޚިދުމަތް ލިބޭނެ ކަމަށް މޯލްޑިވްސް މަނިޓަރީ އޮތޯރިޓީން ހާމަކޮށްފިއެވެ.
ހޯމަ ދުވަހު ސަރުކާރު ބަނދު ކަމަށް މިއަދު ކަނޑައެޅި ނަމަވެސް، މާދަމާ ބޭންކުތައް ހުޅުވޭނެ ކަމަށް އެމްއެމްއޭއިން ވަނީ ހާމަކޮށްފައެވެ. އެގޮތުން އެމްއެމްއޭއިން ދެމުންދާ ބޭންކިންގް ޚިދުމަތް ހެނދުނު 8:30 އިން ފެށިގެން މެނދުރު 14:00 އާއި ހަމައަށް ދޭނެ ކަމަށް އެފަރާތުން ބުނެއެވެ. މި ގަޑިތަކުގައި ފައިސާ ބަލައިގަނެ ދޫކުރުމާއި އަދި ސިޓީ އުރައިގައި ތަކެތި ބަލައިގަނެ ދޫކުރާނެ ކަމަށް މަރުކަޒީ ބޭންކުން ވަނީ ހާމަކޮށްފައެވެ.
— MMA (@MMA_Maldives) October 1, 2023
ރިޔާސީ އިންތިހާބުގެ ދެވަނަ ބުރުގެ މަސައްކަތްތައް އަދި ނުނިމޭތީ، އެ މަސައްކަތް ކުރުމަށް މިއަދު އަދި މާދަމާވެސް އިލެކްޝަންސް ކޮމިޝަންގެ އެދުމުގެ މަތިން ވަނީ ބަންދުކޮށްފައެވެ. މިއީ މި މަސައްކަތުގައި އާންމު ރައްޔިތުންނާއި ސަރުކާރުގެ ގިނަ އަދަދެއްގެ މުވައްޒަފުން ހަރަކާތްތެރިވާތީ ނިންމާފައިވާ ނިންމުމެކެވެ.
އެމްއޭގެ އިތުރުން މޯލްޑިވްސް އިމިގްރޭޝަނުންވެސް ވަނީ އެ ފަރާތުން ދެމުންދާ ޚިދުމަތް މާދަމާ ދޭނެ ކަން ހާމަކޮށްފައެވެ.