އިދިކޮޅު ފަރާތްތަކުން ރިޔާސީ އިންތިހާބު ކާމިޔާބު ކުރުން ފާހަގަ ކުރުމަށް ރައްޔިތުންނާއި އެކު ބާއްވާ ހަރަކާތެއް މިރޭ އޮންނާނެ ކަމަށް ޕްރޮގްރެސިވް ކޯލިޝަނުން ހާމަކޮށްފިއެވެ.
މި ހަރަކާތް އޮންނާނީ މިރޭ ސޯޝަލް ސެންޓަރުގައެވެ. މި ހަރަކާތުގައި އިންތިހާބީ ރައީސް ޑރ. މުހައްމަދު މުޢިއްޒު ބައިވެރިވެވަޑައިގަތުމަށް ވަނީ ހަމަޖެހިފައެވެ. މި ހަރަކާތް ފުރަތަމަ ބޭއްވުމަށް ހަމަޖެއްސީ ރޭ ގައެވެ. ނަމަވެސް މޫސުން ގޯސްވުމުގެ ސަބަބުން ހަރަކާތް މިރެއަށް ވަނީ ފަސްކޮށްފައެވެ. މި ހަރަކާތް ފެށުމަށް ހަމަޖެހިފައިވަނީ މިރޭ 8:30 ގައެވެ.
އިންތިޚާބީ ރައީސުލްޖުމްހޫރިއްޔާ @MMuizzu ދިވެހިރައްޔިތުންނާ ބައްދަލު ކުރެއްވުން މިރޭ ސޯޝަލް ސެންޓަރުގައި
ދިވެހި ލޮބުވެތި ހުރިހާ ރައްޔިތުންނަށް ދަޢުވަތު އަރުވަން. #DhiveheengeRaajje #FreePresidentYameen pic.twitter.com/pyfTGCS14T
— Progressive Party of Maldives (@ProgressPartyMV) October 2, 2023
ރިޔާސީ އިންތިހާބު އިންތިހާބީ ރައީސް، ޑރ. މުހައްމަދު މުޢިއްޒު އަދި ރަނިންގްމޭޓް ހުސެއިން މުހައްމަދު ލަތީފް ކާމިޔާބު ކުރައްވާފައިވަނީ މިހާރުގެ ރައިސުލްޖުމުޙުއްރީއްޔާ އިބްރާހިމް މުހައްމަދު ސާލިޙްއާއި ވާދަކޮށެވެ. މި އިންތިހާބުގެ ދެވަނަ ބުރު ޑރ. މުޢިއްޒު ކާމިޔާބު ކުރެއްވީ، 19،291 ވޯޓުގެ ފަރަޤަކުންނެވެ.
މިއީ އިންތިހާބަށް ފަހު، އުފާ ފާޅުކުރުމަށް ޑރ. މުޢިއްޒާއި ރައްޔިތުންނާއި އެކު ބާއްވާ ފުރަތަމަ ހަރަކާތެވެ.