ޕީޕަލްސް ނޭޝަނަލް ކޮންގްރެސް ޕާޓީ (ޕީއެންސީ)ގެ ރައީސްކަމަށް އިންތިހާބީ ރައީސް ޑރ. މުހައްމަދު މުޢިއްޒު ހަމަޖައްސައިފިއެވެ.
އެ ޕާޓީގެ ރައީސްކަން އިންތިހާބީ ރައީސް ޑރ. މުހައްމަދު މުޢިއްޒު ހަމަޖެއްސީ މިރޭ ބޭއްވީ އެ ޕާޓީގެ މެންބަރުންގެ މަޖިލީހުގެ ބައްދަލުވުމަކުންނެވެ. މި ބައްދަލުވުމުގައި ޕާޓީގެ ޕާޓީގެ ޗެއާރ ޕާސަންގެ މަޤާމަށް، ޕާޓީގެ ކުރީގެ ރައީސް އަބްދުﷲ އަބްދުއްރަހީމް (އަދުރޭ) ވަނީ ހަމަޖައްސާފައެވެ. އަދި ޕާޓީގެ ނައިބް ރައީސް ކަމަށް އިންތިހާބީ ނައިބް ރައީސް، ހުސެއިން މުހައްމަދު ލަތީފް ވަނީ ހަމަޖައްސާފައެވެ.
PNC ge Memberunge Majlis ge badhdhalu vumeh mirey vanee bavvafa.
Mi badhdhaluvumugai PNC ge Raees kamuge magaamah Inthikhaaby Raees @MMuizzu , Chairperson kamuge magaamah PNC ge Raees kamuge magaamugai hunnevi @Banafsaa , PNC ge Naibu Raees kamuge magaamah Inthikhaaby Naibu… pic.twitter.com/aw3X7D6v4f— Progressive Party of Maldives (@ProgressPartyMV) October 4, 2023
ޕީއެންސީގެ މެންބަރުންގެ މަޖިލީހުގައި 50 މެންބަރުން ތިބެއެވެ. އޭގެ ތެރެއިން މި ބައްދަލުވުމުގައި 41 ފަރާތެއް ވަނީ ބައިވެރިވެފައެވެ. އޭގެ ތެރެއިން 40 މެންބަރުންނަށް ވޯޓު ލެވޭއިރު، ރައީސާއި، ނައިބް ރައީސް އަދި ޗެއަރ ޕާސަން ހޮވާފައިވަނީ ހުރިހާ މެންބަރުންގެ އިއްތިފާޤުންނެވެ.
ޕީޕީއެމް ރައީސްކަން ޑރ. މުޢިއްޒުއަށް ދީފައިވާއިރު، އެ ޕާޓީއާއި އެމަނިކުފާނު ގުޅިވަޑައިގަތީ، ރިޔާސީ އިންތިހާބަށެވެ. އޭގެ ކުރިން ޕީޕީއެމްގައި ހުންނެވުމަށް ފަހު ޕާޓީ ޓިކެޓަށް ވާދަ ކުރެއްވުމަށް، ޕީއެންސީއާއި ގުޅިވަޑައިގެންނެވި އިރު، އިންތިހާބީ ނައިބް ރައީސް ހުސެއިން މުހައްމަދު ލަތީފްވެސް ގުޅިވަޑައިގަތީ ރިޔާސީ އިންތިހާބާއި ދިމާކޮށެވެ.