ރާއްޖެ ޓްރާންސްޕޯޓް ލިންކް (އާރްޓީއެލް) އިން ރާއްޖޭގެ ދެކުނުގެ އަތޮޅުތައް ގުޅުވާލައި ދެމުންދިޔަ ޚިދުމަތުގެ އަގުތަށް ހާމަކޮށްފިއެވެ.
ޕްލޭނިންގް މިނިސްޓްރީން ޚިދުމަތުގެ އަގުތައް ހާމަކޮށް ކުރި އިޢުލާނުގައި ބުނީ އިންޓަގްރޭޓެޑް ނޭޝަނަލް ޕަބްލިކް ފެރީ ނެޓްވޯކް މަޝްރޫޢުގެ ދެވަނަ ފިޔަވަހީގެ ދަށުން ޒޯން 5 (ހުވަދު އަތޮޅު) އަދި ޒޯން 6 (އައްޑޫ އަދި ފުވައްމުލައް) ހައިވޭލިންކް ގެ ދަތުރުތަކަށް 8 އޮކްޓޯބަރ އިން ފެށިގެން އަގު ނެގުމަށް ހަމަޖެހިފައިވާ ކަމަށެވެ. އަދި ޒޯން 6 ގެ އެތޭރޭގައި ދެ ސިޓީ ދެމެދު ކުރާ ދަތުރުތަކަށްވެސް އަގު ނެގުމަށް ވަނީ ނިންމާފައެވެ. މި ދަތުރުތަކަށް ސަރުކާރުން ކަނޑައަޅާފާއިވާ އަގުތަށް ވަނީ ހާމަކޮށްފައެވެ.
އެގޮތުން ގދ ވާދޫ އިން ފުވައްމުލަކަށް އެއްކޮޅަށް 250ރ. ދެވެއެވެ. އަދި ދެކޮޅު ޓިކެޓް ނެގުމުން 450ރ. އަށް ދެވެއެވެ. ގ.ދ ވާދޫއިން އައްޑޫސިޓީ ހުޅުދޫ-މީދޫއަށް 490ރ. އަށް ވެއެވެ. ދެކޮޅު ޓިކެޓް އަގަކީ 880ރ. އެވެ.
ޒޯން 6 ގެ އެތެރޭގެ ދަތުރުތަކަށް ކަނޑައަޅާފައިވާ އަގުތަކަށް ބަލާއިރު، އައްޑޫސިޓީ ފޭދޫ އާއި ހުޅުމީދޫ ދޭތެރޭ ދަތުރު ކުރެވެނީ 55ރ. އަށެވެ. އަދި ދެކޮޅު ޓިކެޓް 100ރ. އަށް ދޭއިރު، މިއީ ކުރިންވެސް މިދަތުރުތައް ކުރި އަގެވެ. މީގެ ކުރިން ސަދަން ޓްރާންސްޕޯޓް ލިންކް މެދުވެރިކޮށް އެއްކޮޅަށް މިއަގުގައި ދަތުރު ކުރެވެއެވެ. ނަމަވެސް ދެކޮޅު ޓިކެޓް ނެގުމުން އަގު ހެޔޮ ނުވެއެވެ.
އައްޑޫގެ ދެ ރަށަކުން ފުވައްމުލަކަށް ދަތުރު ކުރެވެއެވެ. އެއީ ހުޅު-މީދޫ އަދި ފޭދޫއެވެ. މިއިން ކޮންމެ ރަށަކުން ފުވައްމުލަކަށް ދިޔަޔަސް ކޮޅަކަށް ނަގަނީ 250ރ. އެވެ. ނަމަވެސް ދެކޮޅު ޓިކެޓު ނެގުމުން 450ރ. އަށް ދެވެއެވެ. މީގެ ކުރިން ދެކޮޅަށް ދަތުރު ކުރެވެނީ 580ރ. އަށެވެ. އެހެން ކަމުން މި ދެމެދުގެ ދަތުރު 130ރ. ވަނީ ކުރިއާ އަޅާބަލާއިރު ވަނީ އަގުހެޔޮވެފައެވެ.
އާރްޓީއެލްގެ އެންމެ ފަހުން ފަށާފައިވަނީ ހުވަދު އަތޮޅުގައެވެ. މި ދެއަތޮޅުގައި ޚިދުމަތް ފެށިއިރު އައްޑޫ ފުވައްމުލައް ހިމެނޭހެން ޒޯން 6 އަދި 5 ވަނީ ގުޅުވާލާފައެވެ. މި ފެރީތައް ގުޅުވާލުމާއިއެކު މި ސަރަހައްދައް ދަތުރު ކުރާ ފަރާތްތައް ވަނީ އިތުރުވެފައެވެ. ހާއްސަކޮށް އައްޑޫ އިކުއެޓޯރިއަލް ހޮސްޕިޓަލަށް ބޭސް ފަރުވާއަށް އަންނަ ފަރާތްތައް ވަނީ އިތުރުވެފައެވެ.