އިންތިހާބީ ރައީސް ޑރ. މުހައްމަދު މުޢިއްޒު އެމެރިކާއިން ރާއްޖެއަށް ކަނޑައަޅުއްވާފައިވާ ހުންނަވާ ސަފީރާއި ބައްދަލު ކުރައްވިއިފިއެވެ.
އިންތިހާބީ ރައީސް އަރިހަށް ޒިޔާރާތް ކުރައްވަމުން ގެންދަވާ ސަފީރުންގެ ތެރެއިން އެންމެ ފަހުން ރައީސް އަރިހަށް ވަޑައިގެންނެވި އެމެރިކާ ސަފީރު ޔޮން އެވެ. ސަފީރާއެކު ބޭއްވި ބައްދަލުވުމުގައި މާވަށު ދައިރާގެ މެންބަރު މުހައްމަދު ސައީދު ވެސް ބައިވެވެވަޑައިގެންނެވިއެވެ.
ބައްދަލުވުމުގައި، އިންތިޚާބީ ރައީސް ޑރ. މުޙައްމަދު މުޢިއްޒުގެ ރިޔާސީ ދައުރުގައި، އެމެރިކާއާ އެކު އޮންނަ ގުޅުން މިހާރަށްވުރެ ހަރުދަނާކުރެވި، އާ ހަރުފަތަކަށް ގެންދެވުމަށް އުއްމީދުކުރައްވާކަމަށް ވިދާޅުވިއެވެ. އަދި އެކި ދާއިރާތަކުން ދިވެހިރާއްޖެއަށް ބޭނުންވާ އެހީތެރިކަން ފުރިހަމައަށް ދެއްވާނެކަމަށް ޔަގީންކުރައްވާކަމަށް ވިދާޅުވިއެވެ.
އެމެރިކާގެ ސަފީރުގެ ވާހަކަފުޅުގައި، ދިވެހިރާއްޖެ-އެމެރިކާގެ ގުޅުން އިތުރަށް ހަރުދަނާކުރުމަށް ދެ ފަރާތުން ގުޅިގެން ކުރެވެންހުރި މަސައްކަތްތަކަށާއި ދިވެހިރާއްޖޭގެ ތަރައްޤީއަށް ބޭނުންވާ އެކި ދާއިރާތަކުން ފުރިހަމަ އެހީތެރިކަމާއި އެއްބާރުލުން ދެއްވާނެކަމުގެ ޔަގީންކަންދެއްވިއެވެ. އަދި އަލަށް ގާއިމުވެގެންދިޔަ އެމްބަސީގެ ސަބަބުން މި މަސައްކަތްތައް އިތުރަށް ފުޅާވެގެންދާނެކަމަށް އުއްމީދުކުރައްވާކަމަށް ވިދާޅުވިއެވެ.
އެމެރިކާގެ އެންބަސީއެއް ރާއްޖޭގައި ޤާއިމް ކުރެވި، ފުރަތަމަ ފަހަރަށް ސަފީރެއް ކަނޑައެޅިގެންދިޔައީ މިދިޔަ އަހަރުއެވެ.