އިލެކްޝަންސް ކޮމިޝަން (އީސީ) މެމްބަރު ކަމަށް އިތުރު ދައުރަކަށް އަލީ ނަޝާތު އައްޔަންކުރުމާ މެދު އާންމުންގެ ހިޔާލު ހޯދަން ރައްޔިތުންގެ މަޖިލީހުން ހުޅުވާލައިފި އެވެ.
އޭނަގެ ދައުރު ހަމަވާތީ އިތުރު ދައުރަކަށް އައްޔަން ކުރުމަށް ރައީސް އިބްރާހިމް މުހައްމަދު ސޯލިހު މަޖިލީހަށް ފޮނުއްވީ މެއި މަހުގެ 29 ގަ އެވެ. ނަމަވެސް ނަޝާތު އައްޔަންކުރުމާ ގުޅޭ މައްސަލައިގައި މިހާތަނަށް އޮތީ ގޮތެއް ނުނިންމި އެވެ.
ރރައްޔިތުންގެ މަޖިލީހުގެ އިދާރާ އިން އިއްޔެ ބުނީ ނަޝާދު މެމްބަރު ކަމަށް އައްޔަންކުރުމާ މެދި އެއްވެސް ޝަކުވާއެއްވާ ނަމަ މިއަދު މެންދުރު ފަހު 14:00 ގެ ކުރިން ޝަކުވާ ހުށަހަޅާ ފަރާތުގެ ނަމާއި ދާއިމީ އެޑްރެހާއި ފޯނު ނަމްބަރު އެނގޭނެ ގޮތަށް ލިޔުމުން ނުވަތަ އީމެއިލް މެދުވެރިކޮށް ހުށަހެޅުމަށް އެދޭ ކަމަށެވެ.
ނަޝާތު ނަން އޮތީ ދިރާސާ ކުރުމަށް މަޖިލީހުގެ މިނިވަން މުއައްސަސާ ކޮމިޓީއަށް ފޮނުވައިފަ އެވެ.
ކުރީގެ ރައީސް އަބްދުﷲ ޔާމީނުގެ ވެރިކަމުގައި ޖުލައި 25، 2018 ގައި އީސީ އަށް އައްޔަންކުރި ނަޝާތުގެ ދައުރު ހަމަވީ މި އަހަރުގެ ޖުލައި 25 ގަ އެވެ.