ރީޔާސީ އިންތިހާބާއި ގުޅޭގޮތުން އީޔޫ އޮބްޒާވަރ މިޝަންއިން ތައްޔާރު ކުރި ރިޕޯޓް އިންތިހާބީ ރައީސްއަށް އަރުވައިފިއެވެ.
މުޢިއްޒުގެ ގެކޮޅުގައި މިއަދު ބޭއްވި ބައްދަލުވުމުގައި އިންތިހާޞީ ނައިބް ރައީސް ހުސެއިން މުހައްމަދު ލަތީފް ބައިވެރިވެވަޑައިގެންނެވިއެވެ. މި ބައްދަލުވުމުގައި ރިޔާސީ އިންތީޚާބާ ގުޅޭ ގޮތުން އެ މިޝަންއިން ތައްޔާރުކޮށްފައިވާ ރިޕޯޓު، އިންތިޚާބީ ރައީސުލްޖުމްހޫރިއްޔާއަށް ވަނީ އަރުވާފައެވެ.
މ ބައްދަލުވުމުގައި އިންތިޙާބީ ރައީސް ދެއްކެވި ވާހަކަފުޅުގައި، އިންތިޚާބުގެ ކަންކަން ބެއްލުވުމަށް އީޔޫ އިން ދެއްވި ސަމާލުކަމަށް ޝުކުރުއަދާކުރެއްވިއެވެ. އަދި އޮބްޒާވަރ މިޝަންގެ މަސައްކަތްތަކުގެ ސަބަބުން، އިންތިޚާބުތަކާ ގުޅޭ ކަންކަން އިތުރަށް ހަރުދަނާވެގެންދިޔުމަށް އުއްމީދުކުރައްވާކަމަށް ވިދާޅުވިއެވެ. މީގެ އިތުރުން އެ މަނިކުފާނުގެ ދައުރުގައި، މިނިވަން މުއައްސަސާތަކުގެ ހިންގުން އިތުރަށް ހަރުދަނާކޮށް، މުސްތަޤިއްލުކަން ކަށަވަރުކުރުމަށް މަސައްކަތްކުރަވާނެކަމަށް ވަނީ ވިދާޅުވެފައެވެ.
މި ބައްދަލުވުމުގައި އިންތިޚާބުގެ ކަންކަމާއި އިންތިޤާލީ މަރުޙަލާގެ ކަންކަން އަމާންކަމާއި އޮމާންކަމާ އެކު ކުއިޔަށްދާކަން ފާހަގަކުރައްވައި، ޔޫރަޕިއަން ޔޫނިއަން އޮބްޒާވަރ މިޝަންއިން، އެކަންކަމަށް މަރުޙަބާ ދެންނެވިއެވެ.
އީޔޫ އޮބްޒާވަރުންގެ ތައްޔާރު ކުރި އިންތިޤާލީ ރިޕޯޓް މިހާރު އާންމުކޮށްފައިވާއިރު، ރިޕޯޓުގައި އިންތިހާބުގެ އިންތިޒާމުތައް ވަރަށް ރަނގަޅަށް ގޮސްފައިވާކަން ވަނީ ފާަގަކޮށްފައެވެ. ނަމަވެސް ކެމްޕެއިން ތެރެއިން ދޮގު ޙަބަރު ވަރަށް ބޮޑަށް ފެތުރުނުކަން އެ ޓީމުން ފާހަގަ ކުރެއެވެ.