ރައީސް އިބްރާހީމް މުހައްމަދު ސޯލިހުގެ ސަރުކާރުގައި ސިޔާސީ މަގާމުތައް ގިނަ ނޫން ކަމަށް އެމްޑީޕީގެ ޑެޕިއުޓީ ޗެއާޕާސަން އިބްރާހީމް ވަހީދު (އިބްރޭ) ވިދާޅުވެއްޖެ އެވެ.
އޭނަ މި ގޮތަށް ވިދާޅުވީ އިންތިހާބީ ރައީސް ޑރ. މުހައްމަދު މުއިއްޒުގެ ސަރުކާރުގައި ސިޔާސީ މަގާމުތައް 700 އަށް ވުރެ ގިނަ ނުވާނެ ކަމަށް އިއްޔެ ބުނުމާ ގުޅިގެންނެވެ.
އެ ވާހަކައިގެ ރައްދެއްގެ ގޮތުއި އެކްސްގައި އިބްރޭ ވިދާޅުވީ ރައީސް އޮފީހުގެ ސިޔާސީ މަގާމުތައް ނުހިމަނައި، މި ސަރުކާރުގެ ސިޔާސީ މަގާމުތަކުގެ އަދަދަކީ 719 ކަމަށެވެ.
އިންތިހާބީ ރައީސްގެ އޮފީހުގެ ތަރުޖަމާނު މުހައްމަދު ފިރުޒުލް އަބްދުﷲ ހަލީލު އިއްޔެ ވިދާޅުވީ ރައީސް އޮފީހާއި، ރައިސްގެ ގެކޮޅާއި، ނައިބު ރައީސްގެ ގެކޮޅާ އެކީ މުއިއްޒުގެ ސަރުކާރުގައި ސިޔާސީ މަގާމުތައް 700 އަށް ވުރެ ގިނަ ނުކުރަން ނިންމާފައިވާ ކަމަށެވެ.
އޭނަ ފާހަގަކުރެއްވި ގޮތުގައި މި ސަރުކާރުގެ ސިޔާސީ މަގާމުތައް 1،063 އަށް އަރާ އިރު، ކުރީގެ ރައީސް އަބްދުﷲ ޔާމީންގެ ވެރިކަމުގައި ސިޔާސީ މަގާމުތަކުގެ އަދަދަކީ 808 އެވެ.