ރާއްޖެ އަށް މިހާރު އެންމެ ގިނަ ޓޫރިސްޓުން އަންނަ ގައުމަކަށް ޗައިނާ ވެއްޖެ އެވެ.
ޓޫރިޒަމް މިނިސްޓްރީން އާންމުކުރި އެންމެ ފަހުގެ ތަފާސްހިސާބުތައް ދައްކާ ގޮތުން މިދިޔަ ހޯމަ ދުވަހާ ހަމައަށް ޗައިނާ އިން ރާއްޖެ އަށް ޖުމްލަ 153،989 ޓޫރިސްޓުން އައިސްފައިވެ އެވެ. އެ ގައުމުން އަންނަ ޓޫރިސްޓުން އެއް ދުވަހުން އަނެއް ދުވަހަށް އިތުރުވަމުން އަންނަ މިނިސްޓްރީން ލަފާކޮށްފައިވާ ގޮތުގައި މި އަހަރު ނިމުމުގެ ކުރިން ޗައިނާ އެއް ވަނަ މާކެޓަށް އަރާނެ އެވެ.
ކޮވިޑްގެ ވަބާއާ ވިދިގެން ވައިގެ ދަތުރުތައް ހުއްޓާލާފައި އޮންނަތާ ތިން ވަރަކަށް އަހަރު ފަހުން، ޗައިނާގެ ޓޫރިސްޓުން ރާއްޖެ އަންނަން ފެށީ މި އަހަރުގެ ޖެނުއަރީ 18 އިން ފެށިގެންނެވެ. އޭގެ ފަހުން މާ ގިނަ ދުވަސްތަކެއް ނުވެ، އެ ގައުމު ދިޔައީ ޓޮޕް 10 މާކެޓުން ވެސް ޖާގަ ހޯދައި، ކުރިއަރަމުންނެވެ.
މިހާރު ރާއްޖެ އަށް އެންމެ ގިނަ ޓޫރިސްޓުން އަންނަނީ ރަޝިއާއިންނެވެ. މިދިޔަ ހޯމައާ ހަމައަށް އެ ގައުމުން 161،461 ޓޫރިސްޓުން އައިސްފައިވާ އިރު، އިންޑިއާ މިހާރު ތިން ވަނައިގައި އޮތީ 153،424 ޓޫރިސްޓުންނާ އެކީގަ އެވެ.
ރާއްޖޭގެ މި އަހަރުގެ އަހަރު ނިމުމުގެ ކުރިން މަދުވެގެން 1.8 މިލިއަން ޓޫރިސްޓުން ގެނައުމެވެ.