މާލޭގެ މޭޔަރުގެ މަގާމުގައި ހުންނަވައި ރިޔާސީ އިންތިހާބު ވާދަކުރައްވައި ކާމިޔާބުކުރެއްވި ޑރ. މުހައްމަދު މިރޭ މާލެ ސިޓީ ކައުންސިލްގެ މުވައްޒަފުންނާ ބައްދަލުކުރައްވާ ގޮތަށް ހަމަޖެހިއްޖެ އެވެ.
މި ބައްދަލުވުން އޮންނާނީ މިރޭ 8:30 ގައި ދަރުބާރުގޭގަ އެވެ.
މިދިޔަ މަހުގެ 30 ގައި ބޭއްވި އިންތިހާބު ކާމިޔާބު ކުރެއްވުމަށް ފަހު، މޭޔަރުގެ ހައިސިއްޔަތުން މުއިއްޒު ކައުންސިލްގެ އެންމެ ފަހު ބައްދަލުވުމުގައި ބައިވެރިވެވަޑައިގެންނެވީ މި މަހުގެ 4 ވަނަ ދުވަހު އެވެ. މުއިއްޒު ރައީސްކަމުގެ ހުވާކުރައްވަން ހަމަޖެހިފައި ވަނީ އަންނަ މަހުގެ 17 ގަ އެވެ.
އޭނަ ރައީސްކަމަށް އިންތިހާބުވެވަޑައުގަތުމާ ގުޅިގެން މޭޔަރުގެ ޒިންމާތައް ވަނީ ޑެޕިއުޓީ މޭޔަރު އަހުމަދު ނަރީޝްއާ ހަވާލުކުރައްވައިފަ އެވެ.
އަންނަ އަހަރުގެ ޖެނުއަރީ 17 ގެ ކުރިން މާލެ އަށް މޭޔަރަކު އިންތިހާބު ކުރަން ޖެހެ އެވެ. އެ އިންތިހާބަށް އެކި މީހުން މިހާރު އަންނަނީ ޝައުގުވެރިކަން ފާޅުކުރަމުންނެވެ. އޭގެ ތެރޭގައި މިހާރުގެ ޔޫތު މިނިސްޓަރު އަހުމަދު މަހުލޫފާއި ކުރީގެ ޕޮލިސް ކޮމިޝަނަރު ހުސައިން ވަހީދު ހިމެނިވަޑައުގަނެ އެވެ.