ރާއްޖޭގައި ވެރިކަން ބަދަލުވާ ކޮންމެ ފަހަރަކު ޕޮލިސް ކޮމިޝަނަރުގައި މަގާމުގައި ހުންނަވާ ބޭފުޅަކު ބަދަލުވާ ނިޒާމު ބަދަލުވާން ޖެހޭ ކަމަށް ކުރީގެ ޕޮލިސް ކޮމިޝަނަރު އަބްދުﷲ ރިޔާޒް ވިދާޅުވެއްޖެ އެވެ.
މިހާރު ސީޕީގެ މަގާމުގައި ހުންނެވި މުހައްމަދު ހަމީދު އަންނަ މަހު ފުލުހުންގެ ވަޒީފާ އިން ރިޓަޔަކުރަން ނިންމެވުމާ ގުޅިގެން ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު ސޯޝަލް މީޑިއާ ޕޯސްޓެއްގައި ވިދާޅުވީ ފުލުހުންގެ ޚިދުމަތުން ތަޢުލީމީ، ގާބިލު އަދި ތަޖުރިބާ ލިބިފައި ތިއްބެވި ޚިދުމަތްތެރިން ރިޓަޔަ ކުރައްވަން ޖެހޭ އުމުރު ހަމަނުވަނީސް ހައުމީ ޚިދުމަތުން ރިޓަޔަ ކުރައްވަން ޖެހުމަކީ ފުލުހުންގެ ޚިދުމަތަށާއި ގައުމަށް އެންމެ ރަނގަޅު ގޮތް ނޫން ކަމަށެވެ.
"ކޮންމެ ރައީސަކާ އެކީ ސީޕީ ބަދަލުވާ ނިޒާމު ބަދަލުކުރަން ޖެހޭ." އިންތިހާބީ ރައީސް ޑރ. މުހައްމަދު މުއިއްޒު ނިސްބަތްވާ ޕީޕީއެމް/ޕީއެންސީއާ ކޯލިޝަން ހަދާފައިވާ ޕާޓީ، އެމްއެމްޕީގެ މެމްބަރެއްގެ ގޮތުގައި ހުންނެވި ރިޔާޒްު ވިދާޅުވި އެވެ.
މިހާރު ސީޕީ ފުލުހުންގެ ވަޒީފާ އިން ވަޒީފާ އިން ރިޓަޔަކުރައްވަން ނިންމެވި އިރު، ހަމީދަކީ ފުލުހުންގެ ހިދުމަތުގައި ގިނަ ދުވަހު އުޅުއްވި އަދި ފުލުހުންގެ އިސް މަގާމުތަކެއް އަދާކުރައްވާފައިވާ ބޭފުޅެކެވެ. އޭނަ ސީޕީގެ މަގާމަށް އައްޔަންކުރީ މާޗް 26، 2019 ގަ އެވެ.
ހަމީދު ރިޓަޔަކުރައްވަން ނިންމަވާފައި ވަނީ އަންނަ މަހުގެ 11 ގަ އެވެ.