ބޭރުގެ މީޑިއާކަށް އިންތިހާބީ ރައީސް ޑރ. މުހައްމަދު މުއިއްޒު ދެއްވި އިންޓަވިއުއަކާ ގުޅިގެން ކުރީގެ ރައީސް މައުމޫން އަބްދުލް ގައްޔޫމް ތައުރީފު ކުރައްވައިފި އެވެ.
މުއިއްޒު އަލް ޖަޒީރާ އަށް ދެއްވި އިންޓަވިއު ބައްލަވާފައި މައުމޫން ސޯޝަލް މީޑިއާ ޕޯސްޓެއްގައި ވިދާޅުވީ އިންޓަވިއު ވަރަށް ފުރިހަމަ ކަމަށާއި މުއިއްޒަށް ގައުމާއިގެން ކުރިއަށް ވަޑައިގެންނެވުމުގައި ކާމިޔާބީ އަށް އެދިވަޑައިގަންނަވާ ކަމަށެވެ.
Congratulations Excellency @MMuizzu I watched the interview you gave to Al Jazeera English. It was quite impressive. I wish YE every success in serving our nation as our next President.
أعانك الله وسدد خطاك يا فخامة الرئيس المنتخب— Maumoon Abdul Gayoom (@maumoonagayoom) October 15, 2023
ރާއްޖޭގައި 30 އަހަރު ވެރިކަން ކުރެއްވި މައުމޫނަކީ، މުއިއްޒު ހައުސިން މިނިސްޓަރުކަން ދެއްވި ކުރީގެ ރައީސް އަބްދުﷲ ޔާމީންގެ ބޭބޭފުޅެވެ. މުއިއްޒު އަންނަ މަހުގެ 17 ގައި ހުވާކުރައްވަން ތައްޔާރުވެވަޑައިގަންނަވާ އިރު، މައުމޫންގެ ހަތަރު ބޭފުޅުންގެ ތެރެއިން ދެ ބޭފަޅަކު ތިއްބެވީ މުއިއްޒާ އެކީގަ އެވެ. އެއީ ގައްސާން މައުމޫނާއި ދުންޔާ މައުމޫނެވެ.
އަލް ޖަޒީރާ އަށް މުއިއްޒު ދެއްވި އިންޓަވިއު އަކީ މިދިޔަ މަހުގެ 30 ގައި ބޭއްވި އިންތިހާބު ކާމިޔާބު ކުރެއްވި ފަހުން ބޭރުގެ މީޑިއާއަކަށޑް ދެއްވި ފުރަތަމަ އިންޓިވިއު އެވެ. އެއީ އިންޓަވިއުގައި ރާއްޖޭގެ މިހާރުގެ ހާލަތާއި ސިޔާސީ ވަރަށް ގިނަ ކަންކަމާ ގުޅޭ ގޮތުން މުއިއްޒު ވާހަކަ ދައްކަވާފައިވެ އެވެ.