އައްޑޫ ސިޓީ ކައުންސިލަށް ވޭނަށް ގަންނަން ބޭނުންވެގެން އިއުލާންކޮށްފި އެވެ.
ކައުންސިލުން ނެރުނު އިއުނާލެއްގައިވާ ގޮތުން ގަންނަން ބޭނުން ވަނީ މުޅިން އާ ވޭނެކެވެ. އަދި ވޭނަކީ 16 މީހުންގެ ޖާގައިގެ ވޭނެކެވެ.
އެހެންވެ ވޭނެއް ކައުންސިލަށް ވިއްކަން ޝައުގުވެރިވާ ފަރާތްތަަކަށް ޕްރޮޕޯސަލް ހުށަހެޅުމުގ ފުރުސަތު މި މަހުގެ 25 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
މިކަމާ ބެހޭ ގޮތުން މައުލޫމާތު ދިނުން މި މަހުގެ 16 ވަނަ ދުވަހު ކައުންސިލް އިދާރާގައި އޮންނާނެ އެވެ. އެއީ އެ ދުވަހުގެ މެންދުރު ފަހު 2:00 ގަ އެވެ.
ކައުންސިލުން ބުނީ ހަމަޖެހިފައިވާ ގަޑިއަށް މައުލޫމާތު ސެޝަނާއި ޕްރޮޕޯސަލް ހުށަހަޅަން ދޭ ސުންގަޑި އަށް އެކަން ނުކުރާ ފަރާތްތަކުގެ ޕްރޮޕޯސަލްތައް ބަލައި ނުގަންނާނެ ކަމަށެވެ.
ވޭނެއްގެ އިތުރުން ސައިކަލެއް ވެސް ގަންނަން ކައުންސިލުން ވަނީ ނިންމައިފަ އެވެ. މިކަމާ ބެހޭ ގޮތުން މައުލޫމާތު ދޭނީ މި މަހުގެ 11 ވަނަ ދުވަހު 2:00 ގައި ކައުންސިލް އިދާރާއިންނެވެ.
އަދި ސައިކަލެއް ވިއްކަން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު މި މަހުގެ 18 ވަނަ ދުވަހާ ހަމައަށް ވަނީ ހުޅުވާލައިފަ އެވެ.