ދެ ދާއިރާއަކުން ޕީއެޗްޑީ އަށް ކިޔަވަން ދެ ސްކޮލަޝިޕް ފުރުސަތަކަށް އިސްލާމިކް ޔުނިވަސިޓީ އައިޔޫއެމް) އިން ހުޅުވާލައިފި އެވެ.
ސްކޮލަޝިޕް ދޭ ދާއިރާ އަކީ ހިއުމަން ސައިންސާއި އިކޮނޮމިކް އެންޑް ފައިނޭންސް އެވެ.
މި ދެ ސްކޮލަޝިޕަށް ކުރިމަތިލާން ޝައުގުވެރިވާ ފަރާތްތަކަށް އެކަމަށް އެޕްލައިކުރުމުގެ ފުރުސަތު އަންނަ މަހުގެ 9 ވަނަ ދުވަހާ ހަމައަށް ވަނީ ހުޅުވާލައިފަ އެވެ. އައިޔޫއެމުން ބުނި ގޮތުގައި މި ސްކޮލަޝިޕްތަކުގައި ކިޔެވޭނީ ރާއްޖޭގެ އިތުރުން އިންޑިއާ، ޕާކިސްތާން، މެލޭޝިއާ، ބަންގްލަދޭޝް، ސިންގަޕޫރް، ސްރީ ލަންކާ، ތައިލެންޑް، ނޭޕާލް، ބޫޓާން، ބުރުނާއި އަދި އިންޑޮނޭޝިއާގެ ޕަބްލިކް ޔުނިވަސިޓީތަކުން އޮފަ ކުރާ ކޯސްތަކުގައި ކަމަށެވެ. އަދި އެ ކޯހެއް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމްކިޔުއޭ) އިން ގަބޫލުކުރާ އިންސްޓިޓިއުޓަކަށް ވާން ޖެހޭނެ އެވެ.
ސްކޮލަޝިޕަށް ހޮވޭ ފަރާތްތަކަށް ޓިއުޝަންފީ އާއި ޔުނިވަސިޓީ އަށް ދައްކަން ޖެހޭ ފީ އާއި ކިޔަވަނީ ބޭރު ގައުމެއްގައި ނަމަ، ކޯހަށް ދިއުމަށާއި ކޯސް ނިންމާފައި އެނބުރި އައުމުގެ ދަތުރު ހަރަދާއި އެސްޓަބްލިޝްމަންޓް އެލަވަންސާއި ސްޓައިޕަންޑާއި
ބުކް އެލަވަންސް ލިބޭނެ އެވެ.
ސްކޮލަރޝިޕްގެ ދަށުން ކިޔަވާ މީހުން ކިޔަވައި ނިންމުމަށް ފަހު 5 އަހަރުގެ މުއްދަތަށް އައިޔޫއެމް އަށް ޔުނިވަސިޓީއަށް ޚިދުމަތް ކުރަންޖެހޭނެ އެވެ.