ރާއްޖޭގައި އެންމެ ފަހުން އުފެއްދި އަދި މި އަހަރުގެ ރިޔާސީ އިންތިހާބުގައި ވެސް ވާދަކުރި ޕާޓީ، ދަ ޑިމޮކްރެޓްސްގެ މަގާމުތަކަށް ކުރިމަތިލާން ހުޅުވާލައިފި އެވެ.
އެ ޕާޓީން ބުނީ މަގާމުތަކަށް ވާދަކުރުމަށް ފޯމު ހުށަހެޅުމުގެ ފުރުސަތު އޮންނާނީ އަންނަ މަހުގެ 15 އާ ހަމައަށް ކަމަށާއި އެތެރޭގެ އިންތިހާބު ބާއްވަން ހަމަޖެހިފައި ވަނީ ޑިސެމްބަރު 2 ގައި ކަމަށެވެ.
ޕާޓީގެ އެތެރޭގެ އިންތިހާބުގައި ވޯޓު ދެވޭނީ އަންނަ މަހުގެ 20 ގެ ކުރިން ޕާޓީއަށް ސޮއިކުރާ މެމްބަރުންނަށެވެ. އެގޮތުން ޕާޓީ
އަށް ވަންނަން ބޭނުންވާ މީހުންނަށް އޮންލައިންކޮށް ވެސް ފޯމުތައް ހުށަހެޅޭ ފުރުސަތު އޮތީ ހުޅުވާލައިފަ އެވެ.
ޕާޓީގެ އެތެރޭގެ އިންތިހާބުގައި ކުރިމަތިލާން ހުޅުވި މަގާމުތަކުގެ ތެރޭގައި ރައީސާއި ތިން ނައިބު ރައީސުންނާއި އާންމު އާއި އަންހެން އަދި ޔޫތު ވިންގެ އިތުރުން ވިމެން ޑިމޮކްރެޓްސް ލީޑަރާއި، ޔަންގް ޑިމޮކްރެޓްސް ލީޑަރު ހިމެނެ އެވެ. އަދި ޕާޓީގެ އަތޮޅު ރައީސާއި، އަތޮޅު ނައިބު އަދި އަތޮޅު ވިމެން ޑިމޮކްރެޓް ލީޑަރު އަދި އަތޮޅު ޔަންގް ލީޑަރުގެ މަގާމަށް ވަނީ ހުޅުވާލައިފަ އެވެ. އިންތިހާބުގައި ދާއިރާތަކުގެ ރައީސުން ވެސް އިންތިހާބު ކުރާނެ އެވެ.
ޑިމޮކްރެޓްސް އަކީ އެމްޑީޕީން ވަކިވެވަޑައުގަތް މަޖިލިސް މެމްބަރުންތަކެއް އިސްކޮށް ތިއްބަވައިގެން އުފެއްދެވި ޕާޓީއެކެވެ. އަދި އެ ޕާޓީގެ މުގުލުގައި ހުންނެވީ މަޖިލީހުގެ މިހާރުގެ ރައީސް އަދި ރާއްޖޭގެ ކުރީގެ ރައީސް މުހައްމަދު ނަޝީދެވެ.