މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ކުރީގެ ގަވަރުނަރު ޑރ. ފަޒީލް ނަޖީބު ވެސް އަންނަ އަހަރު ރައްޔިތުންގެ މަޖިލީހުގެ އިންތިހާބުގައި ވާދަކުރައްވަން ނިންވައިފި އެވެ.
ޕީޕީއެމް/ޕީއެންސީ ޓިކެޓްގައި އޭނަ ވާދަ ކުރައްވަން ނިންމަވާފައި ވަނީ މަޖިލީހުގެ ފުވައްމުލަކު ދެކުނު ދާއިރާއަށެވެ. ފުވައްމުލަކަށް އުފަން ފަޒީލު ވިދާޅުވި ގޮތުގައި މަޖިލީހަށް ވާދަކުރައްވަން ނިންމެވި މައިގަނޑު ސަބަބަކީ އިންތިހާބީ ރައީސް ޑރ. މުހައްމަދު މުއިއްޒާ އެކީ އެ މަނިކުފާނުގެ ރިޔާސީ ވައުދުތައް ތަންފީޒުކުރުމަށް މަސައްކަތްކުރެއްވުމަށް އެހީތެރިވެ ދެއްވުމުގެ ގޮތުންނެވެ.
މަރުކަޒީ ބޭންކްގެ ގަވަރުނަރުކަން ފަޒީލް އަދާކުރެއްވީ 2008-2013 އަށެވެ. އޭނަ އަކީ އިންޓަނޭޝަނަލް މަނިޓަރީ ފަންޑުގެ މޯލްޑިވްސްގެ ގަވަރުނަރުގެ އިތުރުން ދެކުނު އޭޝިއާގެ މަރުކަޒީ ބޭންކުތަކުގެ ނެޓްވޯކެއް ކަމަށްވާ ސާކް ފައިނޭންސްގެ މިހާރުގެ ޗެއާމަން ވެސް މެ އެވެ.
ފަޒީލް އަކީ ކޮމާޝަލް ލޯ އިން ޕީއެޗްޑީ ހާސިލްކުރައްވާފަައިވާ އަދި އިކޮނޮމިކްސް އިން ބީއޭ އޮނާސް ޑިގްރީ ހާސިލުކުރައްވާފައިވާ ބޭފުޅެކެވެ.