މިދިޔަ މަހުގެ ތެރޭގައި އައްޑޫ މަރަދޫގައި ދުވަސްވީ މީހެއްގެ އަތުން ފޭރުނު މައްސަލައިގެ ތުހުމަތުގައި ހައްޔަރުކުރި މީހާގެ އިލެކްޓްރޯނިކް ޑިވައިސްތައް ތަހުލީލު ކުރުމަށް މަރަދޫ މެޖިސްޓްރޭޓް ކޯޓުން އަމުރުކޮށްފި އެވެ.
އުމުރުން 81 އަހަރުގެ މީހެއްގެ ގެއަށް ވަދެ އޭނަ ބަނުމަށް ފަހު އޭނާ ފޭރުނު މައްސަލައިގައި ހައްޔަރުކޮށްފައި ވަނީ 50 އަހަރުގެ މީހެކެވެ. މިދިޔަ މަހުގެ 28 ވަނަ ދުވަހު ހިނގި ހާދިސާގައި ދުވަސްވީ މީހާ ބަނދެފައި ވަނިކޮށް ސަލާމަތްވުމަށް މަސައްކަތް ކުރުމުގެ ތެރޭގައި އެނާގެ އަތުގެ މުލައްދަނޑިއަށް ބޮޑެތި އަނިޔާތަކެއް ލިބިފަކަމަށް ފުލުހުން ބުނެފައިވެ އެވެ.
މި މައްސަލައިގެ ތަހުގީގު ކުރިއަށްދާ އިރު، ހައްޔަރުކޮށްފައިވާ މީހާގެ މޯބައިލް ފޯނާއި އިލެކްޓްރޯނިކް އެހެން ޑިވައިސްތައް ހިފަހައްޓައި ތަހުލީލު ކުރުމަށް މަރަދޫ ކޯޓުން ވަނީ ފުލުހުންގެ މައްޗަށް އަމުރުކޮށްފައިވެ އެވެ. އަދި ފޭރުނު މީހާގެ ސިމްގެ ވެރި ފަރާތްތައް ހޯދައި، ކޯލް ޑީޓޭއިލްތަކާއި ސެލް ލޮކޭޝަންތައް ހޯދުމަށް ވެސް އަމުރުކޮށްފައިވެ އެވެ.