މި އަހަރުގެ މިހާތަނަށް ފަސް ރިސޯޓެއް އަލަށް ހުޅުވާފައިވާ އިރު، އަހަރުގެ މިއޮތް މުއްދަތުގެ ތެރޭގައި އިތުރު ހަތަރު ރިސޯޓެއް ހުޅުވާނެ ކަމަށް ޓޫރިޒަމް މިނިސްޓްރީން ބުނެފި އެވެ.
އެގޮތުން ދެން އެންމެ އަވަހަށް ރިސޯޓެއް ހުޅުވާނީ މި މަހުގެ 22 ގަ އެވެ. ހުޅުވަން ޕްލޭންކޮށްފައި މިހާރު ހުރި ރިސޯޓްތަކަކީ ބ. ބޮޑުފިނޮޅުގައި ތަރައްގީކުރަމުން އަންނަ 310 އެނދުގެ ރިސޯޓާއި ޅ. މާބިންހުރާގައި ތަރައްގީ ކުރަމުން އަންނަ 408 އެނދުގެ ރިސޯޓާއި އެ އަތޮޅު ދެރުފިނޮޅުގައި ތަރައްގީ ކުރަމުން އަންނަ 172 އެނދުގެ ރިސޯޓްގެ އިތުރުން މާލެ އަތޮޅު އެނބޫދޫ ފަޅުގައި ތަރައްގީ ކުރަމުން އަންނަ 174 އެނދުގެ ރިސޯޓެވެ.
މި އަހަރު ކުރިން ހުޅުވި ރިސޯޓްތަކަކީ ވ. ކުނާވަށީގައި ތަރައްގީކުރި ނޫއީ މޯލްޑިވްސް ކުނާވައްޓާއި ބ. ފަރެސްގައި ތަރައްގީކުރި ފަރެސް މޯލްޑިވްސް އާއި ރ. ކުޑަކުރަތުގައި ތަރައްގީކުރި އަމާރީ ރާޔާ މޯލްޑިވްސް ރިސޯޓާއި އދ. ބޮޑުފިނޮޅުގައި ތަރައްގީކުރި ބާސެލޯ ވޭލް ލެގޫން މޯލްޑިވްސްގެ އިތުރުން މާލެ އަތޮޅު ފަޅެއްގައި ތަރައްގީކުރި ޖޯއި އައިލެންޑެވެ.
މި ފަސް ރިސޯޓާ އެކީ އަލަށް ރިސޯޓްތަކުން 1،228 އެނދު އިތުރުވެފައިވެ އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮ ތުން ރާއްޖޭގައި މިހާރު 172 ރިސޯޓެއް ހިންގަ އެވެ. އަދި މިއީ 42،159 އެނދެވެ.
ރާއްޖެ އަކީ ޓޫރިޒަމްގައި ދުނިޔޭގައި އެންމެ މަގުބޫލު އެއް މަންޒިލެވެ.