ކުޅުދުއްފުށި އެއާޕޯޓުގައި މިއަދު ހިނގި ހާދިސާގައި އަނިޔާވި މީހާ އިތުރު ފަރުވާއަށް މާލެ ގެނެސްފިއެވެ.
އެމީހާ މާލެ ގެނެސްފައިވަނީ އެމްއެންޑީއެފްގެ އެހީތެރިކަމާއިއެކު ކުރި މެޑިކަލް އިވެކުއޭޝަނަކުންނެވެ. އުމުރުން 37 އަހަރުގެ ފިރިހެން މީހާ މާލެ ގެނައީ މިރޭ 7:08 އެހައިކައްހާއިރު ކަމަށް އެމްއެންޑީއެފް އިން ބުނެއެވެ.
މިއަދު ހިނގި މި ހާދިސާގައި ހިނގާފައިވަނީ އެއާޕޯޓުގައި ހިންގި ޓްރެއިނިންގް އެއްގައި ބޭނުން ކުރި ސިލިޑަރެއް ގޮވައިގެން ކަމަށް އެމްއެންޑީއެފްއިން ބުނެއެވެ. މި ހާދިސާގައި 4 މީހާކަށް ވަނީ އަނިޔާވެފައެވެ. މީގެ ތެރެއިން އެކެއްގެ އަތަށް ވަރަށް ބޮޑަށް އަނިޔާވެފައިވާއިރު ދެން ތިބި 3 މީހުންނަށްވީ ކުދި އަނިޔާތަކެވެ.
މި ހާދިސާއާއި ގުޅޭގޮތުން ފުލުހުން ބުނެފައިވަނީ މި ހާދިސާ ހިނގީ އެއާޕޯޓުގެ ފަޔަ ޓްރެއިނިންގައި ބޭނުންކުރާ ސިލިންޑަރެއް ރިފިލް ކުރުމުގެ ތެރޭގައި އެ ގޮވައިގެން ކަމަށެވެ.