ރައްޔިތުންގެ މަޖިލީހުގެ ހިތަދޫ މެދު ދާއިރާގެ މެންބަރުކަން ކުރިން ކުރައްވާފައިވާ މުހައްމަދު ރަޝީދު (މެޓްރިކްސް މޯޑް) އަންނަ އަހަރުގެ އިންތިހާބުގައި ވެސް ވާދަކުރައްވަން ނިންމަވައިފި އެވެ.
އެންމެ ފަހުން ބޭއްވި މަޖިލިސް އިންތިހާބުގައި ވެސް އޭނަ އެމްޑީޕީގެ ޓިކެޓްގައި ވާދަކުރެއްވި އެވެ.
މޯޑް ވިދާޅުވެފައި ވަނީ އަލުން ހިތަދޫ ދެކުނު ދާއިރާ އަށް ވާދަކުރައްވަން ނިންމަވާފައިވާތީ އެ ދާއިރާގެ ޓިކެޓް ހޯއްދަވަން ޕްރައިމަރީ އަށް ނުކުންނަވާނެ ކަމަށެވެ. އެމްޑީޕީގެ ޓިކެޓްގައި އޭނަ އަލުން މަޖިލީހަށް ވާދަކުރައްވަން ނިންމެވި އިރު، އެ ޕާޓީން ވަކިވެވަޑައިގެން ޑިސެމްބަރު 30، 2013 ގައި ޕީޕީއެމަށް ސޮއިކުރެއްވި އެވެ.
އެކަމަކު މިދިޔަ އަހަރުގެ ޖުލައި މަހުގެ ތެރޭގައި މޯޑް ވަނީ އަލުން އެމްޑީޕީއާ ގުޅިވަޑައިގެންފަ އެވެ. އަދި އޭނަ އަކީ ރައީސް އިބްރާހީމް މުހައްމަދު ސޯލިހު ވެރިކަމުގެ ދެވަނަ ދައުރަކަށް މި އަހަރު ވާދަކުރެއްވި އިރު، ކެމްޕޭންގައި އައްޑޫގައި އިސްކޮށް ހަރަކާތްތެރިވި ބޭފުޅެއް ވެސް މެ އެވެ.