އިނގިރޭސިވިލާތުގެ މަޝްހޫރު މަހުޖަނު ރިޗާޑް ބްރޭންސަންގެ ވާޖިން އެޓްލާންޓިކް އެއާވޭސްގެ ދަތުރުތައް ރާއްޖެ އިއްޔެ ފަށައިފި އެވެ.
އެ އެއާލައިންގެ ދަތުރުތައް އިއްޔެ ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް ފެށީ މި މަހުގެ 22 ގައި ދަތުރުތައް ފަށާނެ ވާހަކަ މިދިޔަ ޖޫން މަހުގެ ތެރޭގައި އިއުލާންކުރުމަށް ފަހު އެވެ.
ވާޖިން އެޓްލާންޓިކުން ރާއްޖެ އަށް އަށް ހަފުތާ އަކު ތިން ދަތުރު ބާއްވާނެ އެވެ. އިނގިރޭސިވިލާތުގެ މި އެއާލައިންގެ ދަތުރުތައް ރާއްޖެ އަށް ފެށި އިރު، އެ ގައުމު ހިމެނެނީ ރާއްޖެ އަށް އެންމެ ގިނަ ޓޫރިސްޓުން އަންނަ ފަސް ގައުމުގެ ތެރޭގަ އެވެ.
ވާޖިން އެޓްލާންޓަކީ ކުރިން ވެސް ރާއްޖެ އަށް ދަތުރުކުރި އެއާލައިނެކެވެ.