ސްޓޭޓް ޓްރޭޑިންގް އޯގަނައިޒޭޝަންގެ ދަށުން ހިންގާ އެކުންފުނީގެ ސަބްސިޑިއަރީ، ފިއުލް ސަޕްލައި މޯލްޑިވްސް އިން އެއްވެސް މުހިންމު ލިޔެ ކިއުމެއް އަންދާ ނުލާ ކަމަށް އެކުންފުނިން ބުނެފިއެވެ.
ފިއުލް ސަޕްލައި މޯލްޑިވްސްގެ ލިއުންތަކެއް އަންދާލާ ވީޑިއޯއެއް މީސްމީޑިއާގައި ދަނީ ދައުރުވަމުންނެވެ. މިކަމާއި ގުޅިގެން ކުންފުންޏަށް ފާޑުކިއުން އަމާޒުވެފައިވާއިރު، ކުންފުނީގެ އެއްވެސް މުހިންމު ލިއުމެއް އަންދާލާފައި ނުވާނެއެވެ. ނަމަވެސް ގިނަ ދުވަސްވެ ކުންފުންޏަށް ބޭނުންނުވާ ލިއުންތައް ނައްތާލާ ކަމަށެވެ.
އެފްއެސްއެމްއަށް ގިނަ ތުހުމަތުތަކެއް ކުރަމުންދާއިރު، އެކަމާއި ގުޅޭގޮތުން އިދާރީ ގޮތުން ބަލަން ޖެހޭ ކަންކަން ބަލަމުންދާ ކަމަށް އެކުންފުނިން ބުނެއެވެ.
"މީސް މީޑިއާގައި ދައުރުވަމުންދާ ވީޑިއޯއާއި ގުޅިގެން އިދާރީ ގޮތުން ބަލަން ޖެހޭ ކަންކަން މިދަނީ ބަލަމުންނެވެ. ދައުލަތުގެ އެއްވެސް އިދާރާއަކުން މައުލޫމާތެއް ސާފު ކުރަން ބޭނުންވާނަމަ މިކުންފުނިން މަރުހަބާ ކިޔާނެއެވެ. " އެފްއެސްއެމް ބަޔާނުގައިވެއެވެ.
މި ވީޑިއޯ ސޯޝަލް މީޑިއާގައި އެ ވީޑިއޯ އާންމުކުރީ އަހުމަދު އަނީސް ނަމަކަށް ކިޔާ އެފްއެސްއެމްގެ މުވައްޒަފެކެވެ.
އަނީސް ބުނެފައިބާ ގޮތުގައި އޭނަ އެ މަންޒަރު ވީޑިއޯކޮށް އާންމުކުރީ ނައްތާލި ލިޔުންތަކަކީ ކުންފުނިން ހިންގާފައިވާ ކޮރަޕްޝަންތަކާ ގުޅޭ ލިޔުންތަކެއް ކަމަށް ތުހުމަތުކުރެވޭތީ އެވެ. އަދި އެ ވީޑިއޯ އާންމުކުރި ފަހުން އެ ކުންފުނީގެ އެޗްއާރު ޑިޕާޓްމެންޓަށް ހާޒިރުކޮށް ސަަސްޕެންޑްކޮށްފައިވާ ކަމަށް އަނީސް ބުންޏެވެ.
އެފްއެސްއެމަކީ ސަަރުކާރުގެ އެންމެ ބޮޑު ވިޔަފާރި ކުންފުނި، އެސްޓީއޯގެ ސަބްސިޑަރީއެކެވެ.