ސަރުކާރުގެ ބޯހިޔާވަހިކަމުގެ މަޝްރޫޢުގެ ދަށުން ހިތަދޫގައި އަޅާ 200 ހައުސިންގް ޔުނިޓްގެ ބިން އައްޑޫސިޓީ ކައުންސިލުން ކޮންޓްރެކްޓަރާއި ހަވާލުކޮށްފިއެވެ./
ސަރުކާރުގެ ޕީއެސްއައިޕީ ބަޖެޓުގެ ދަށުން ހިންގާ މި ޕްރޮޖެކްޓަކީ ހިތަދޫގައި އަޅަން ނިންމާފައިވާ 200 ހައުސިންގް ޔުނިޓުގެ މަޝްރޫޢުއެވެ. މިމަޝްރޫޢުއަށް ބޭނުންވާ ބިން ދީފައިވަނީ ހިތަދޫގައި މިހާރު ހިންގާ ސިޓީ ސިޓީ ބާޒާރުގެ ފުރަގަހުން އޮތް ބިމެވެ. މި ބިން ކޮންޓްރެކްޓަރ ޕީޓީ ސިޓްރަމަސް ހެވީ އިންޑަސްޓްރީސް އިން ޖޭވީ ވިތް ބީވާރ ބިލްޑާރސް ޕްރައިވެޓް ލިމިޓެޑާއި ހަވާލުކޮށްދެއްވީ އައްޑޫސިޓީ މޭޔަރ އަލީ ނިޒާރުއެވެ.
އައްޑޫސިޓީ ކައުންސިލް އިދާރާގައި މިކަމަށް ބޭއްވި ބައްދަލުވުމުގައި، ކޮންޓްރެކްޓަރ ވަނީ މަޝްރޫޢުގެ އެންމެ ފަހުގެ މައުލޫމާތު ކައުންސިލާއި ހިއްސާ ކުރައްވާފައެވެ.
ބީވާރ ބިލްޑާރސް ޕްރައިވެޓް ލިމިޓޭޑް އާއި ދެމެދު ބޭއްވުނު ބައްދަލުވުމުގެ ތެރެއިން. މިބައްދަލުވުމުގައި ހިތަދޫގައި ޤާއިމްކުރާ 200 ހައުސިންގް ޔުނިޓްގެ މަސައްކަތުގެ މަޢުލޫމާތު ކައުންސިލް އާއި ހިއްސާ ކުރުމުގެ އިތުރުން މަސައްކަތައް ބޭނުންވާ ބިން ކޮންޓްރެކްޓަރާއި ހަވާލުކުރެވިފައިވޭ.
2/3— Addu City Council (@AdduCityCouncil) October 25, 2023
މިއީ ދައުލަތުން 214،852،500.00 ރުފިޔާ ހަރަދުކޮށްގެން ހިންގޭ ސަރުކާރުގެ ޕީ.އެސް.އައި.ޕީ މަޝްރޫޢުއެކެވެ. މިމަޝްރުޢު ކޮންޓްރެކްޓަރާއި ހަވާލުކޮށްފައިވަނީ 540 ދުވަހުގެ ތެރޭގައި، ނިންމާ ގޮތަށެވެ.
މި މަޝްރޫއުގައި ހިމެނެނީ 200 ހައުސިން ޔުނިޓެވެ. ކޮންމެ ހައުސިންގ ޔުނިޓެއްގައި 1000 އަކަފޫޓް ހުންނާނެއެވެ. ޔުނިޓެއްގައި ހިމެނޭނީ 3 ކޮޓަރި، 3 ފާހާނާ، ސިޓިންގ ރޫމް، ބަދިގެ، ކާގެ، ލޯންޑަރީ އަދި ސްޓޯ ރޫމެވެ.
ހައުސިމް ޔުނިޓްތައް އިމާރާތް ކުރެވެނީ 11 ބުރީގެ ދެ ބިލްޑިންއަށް ވާގޮތަށެވެ. ގްރައުންޑް ފްލޯ ބޭނުންކުރާނީ ކޮމާޝަލް އަދި މެއިންޓަނަންސް އޮފީސް އަދި ޕާރކިން ހެދޭނެ ޖާގައެއް ދެވޭނެ ގޮތަށް ކަމަށް ހައުސިން މިނިސްޓްރީން މައުލޫމާތުދެއެވެ. އަދި މިސަރަހައްދުގައި މިއާއެކު ޕާކެއް ޤާއިމުކުރުމަށް ވެސް ވަނީހަމަޖެހިފައިވެއެވެ.