ސަޕްލިމަންޓްރީ ބަޖެޓްގައި ހުރި މައްސަލަތައް އިސްލާހުކޮށް އަލުން މަޖިލީހަށް ފޮނުވައިފި އެވެ.
މި ބަޖެޓު މަޖިލީހިުން އަނބުރާ ފޮނުވާލީ މާލިއްޔަތު ގާނޫނުގަ ބުނާ ތަފްސީލުތައް ނުހިމަނައި އޮތް ކަމަށް ބުނެ އެވެ. ޖުމްލަ 6.5 ބިލިއަން ރުފިޔާގެ ސަޕްލިމަންޓްރީ ބަޖެޓެއް މަޖިލީހަށް ހުށަހެޅީ މި މަހުގެ 18 ގަ އެވެ.
އެ ބަޖެޓްގައި ތަފުސީލުތައް ނުހިމަނައި ހުށަހަޅާފައިވާ ކަމަށް ބުނެ ކުރިން ވެސް އެކަން އިސްލާހު ކުރަން އެންގި އެވެ. ނަމަވެސް ދެވަނަ ފަހަރަށް ފޮނުވި އިރު، ތަފުސީލުތައް ހިމަނާފައި ނުވާ ކަމަށް މަޖިލީހުން ބުނެފައިވެ އެވެ. އެހެންވެ މަޖިލީހުގެ ރައީސް މުހައްމަދު ނަޝީދު ސޮއި ކުރައްވައި އަންގާރަ ދުވަހު ފިނޭންސް މިނިސްޓްރީއަށް ފޮނުއްވި ސިޓީއެއްގައި ވަނީ މާލިއްޔަތު ގާނޫނުގައި ހިމެނޭ ހުރިހާ ތަފުސީލުތަކާ އެކު އަލުން އެ ބަޖެޓު މަޖިލީހަށް ހުށަހަޅަން އެންގި އެވެ.
ސަަޕްލިމެންޓަރީ ބަޖެޓާ އެކީ މި އަހަރު ދައުލަތުގެ ބަޖެޓު 49.3 ބިލިއަން ރުފިޔާ އަށް އިތުރު ވާނެ އެވެ.
ސަޕްލިމެންޓަރީ ބަޖެޓްގައި ރިކަރަންޓު ޚަރަދަށް 3.1 ބިލިއަން ރުފިޔާ އަދި ކެޕިޓަލް ޚަރަދުގެ ގޮތުގައި 3.3 ބިލިއަން ރުފިޔާ ހިމަނާފައިވެ އެވެ.