އިންތިހާބީ ރައީސް ޑރ. މުހައްމަދު މުއިއްޒު ހުވާކުރެއްވުމުގެ ރަސްމިއްޔާތަށް ހުރަސް އަޅަން އަޅަން މަޖިލީހުގެ ރައީސް މުހައްމަދފު ނަޝީދުގެ ޓީމުން ރާވަމުންދާ ކަމަށް މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެ އެވެ.
ނަޝީދުގެ މައްޗަށް އިތުބާރު ނެތްކަމުގެ ވޯޓެއް ނަގަން ނިންމައި، އެކަން ނިންމާފައި ނޫނީ މަޖިލީހުގެ އިތުރު އެހެން އެއްވެސް މަސައްކަތެއް ނުކުރޭނެ ކަމަށް އެމްޑީޕީގެ ޕާލިމަންޓަރީ ގްރޫޕުން އިއްޔެ ބުނެފައިވެ އެވެ. އަދި މަޖިލީހުގެ ރައީސަކަށް ހުންނަވައިގެން މުއިއްޒު ކުރައްވާ ހުވާ ގަބޫލުނުކުރާނެ ކަމަށް ވެސް ބުނެފައިވެ އެވެ.
މިކަމާ ގުޅިގެން ނަޝީދު ނިސްބަތްވާ ދަ ޑިމޮކްރެޓްސް އިން ނެރުނު ބަޔާނެއްގައި ބުނީ އެމްޑީޕީން އުޅެނީ ހުވާކުރެއްވުމުގެ ރަސްމިއްޔާތަށް ހުރަސް އަޅަން ކަމަށާއި އެކަމާ ކަންބޮޑުވާ ކަމަށެވެ.
އެ ޕާޓީގެ އެ ވާހަކައިގެ ރައްދުގައި ނިހާދު ސޯޝަލް މީޑިއާ ޕޯސްޓެއްގައި ވިދާޅުވީ ހުވާ ކުރެއްވުމުގެ ރަސްމިއްޔާތަށް ހުރަސް އަޅަން އުޅެނީ ނަޝީދާއި އެ މަނިކުފާނުގެ ޓީމުން ކަމަށެވެ.
Inthihaabee Raees, Raees Muiz ge huvai kurumuge rasmiyyaath aai medhu Qaanoonee suvaal ufahdhai, e rasmiyyaath ah huras elhumah RN ge team in dhanee raavamun! E furusath nudhinumah MDP/PPM/PNC/MNP/JP/Minivan memberunnah govaalan! @MMuizzu @HucenSembe
— Feydhoo Meehaa (Mohamed Nihad) (@nihad_m) October 25, 2023
"އެ ރަސްމިއްޔާތާ މެދު ގާނޫނީ ސުވާލު އުފައްދައި ރަސްމިއްޔާތަށް ހުރަސް އެޅުމަށް ނަޝީދުގެ ޓީމުން ދަނީ ރާވަމުން. އެ ފުރުސަތު ނުދިނުމަށް އެމްޑީޕީ އާއި ޕީޕީއެމާއި ޕީއެންސީ އާއި ޖޭޕީ އާއި އެމްއެންޕީ އަދި މިނިވަން މެންބަރުންނަށް ގޮވާލަން." އޭނަ ވިދާޅުވި އެވެ.
ނަޝީދަށް އިތުބާރު ނެތްކަމުގެ ވޯޓް ނަގާ ޖަލްސާ މިހާރު ވަނީ އަންނަ އާދީއްތަ ދުވަހަށް ތާވަލުކޮށްފަ އެވެ.
މުއިއްޒު ހުވާކުރައްވަން ހަމަޖެހިފައި ވަނީ އަންނަ މަހުގެ 17 ގަ އެވެ.