އައްޑޫގެ ގޭބިސީތަކުން އެއްކުރާ ކުނިކޮށިތަކަށް ޖަމާކޮށް ދޭނެ ފަރާތެއް ހޯދަން އައްޑޫ ސިޓީ ކައުންސިލުން އިއުލާންކޮށްފި އެވެ. ވެއްޖެއެވެ.
ކުނިކޮށި މިހާރު ޤާއިމު ކުރެވިފައި ވަނީ ހުޅުމީދު އާއި ރުއްޖެހެރެ ސަރަހައްދުގަ އެވެ.
ކައުންސިލުން ބުނީ އެ ފަރާތުން ދޭ މަޢުލޫމާތާ އެއްގޮތަށް އެ މަސައްކަތްތައް ކޮށްދޭން ޝައުޤުވެރިވާ ފަރާތްތަކަށް މި މަހުގެ 18 ވަނަ ދުވަހާ ހަމައަށް ޕްރޮޕޯސަލް ހުށަހެޅުމުގެ ފުރުސަތު އޮންނާނެ ކަމަށެވެ.
އަދި މި މަހުގެ 12 ވަނަ ދުވަހު މެންދުރު ފަހު 2:00 ގައި މައުލޫމާތު ސާފުކޮށް ދޭނެ ކަމަށެވެ.
މަޢުލޫމާތު ސާފުކޮށް ދިނުމާއި ޕްރޮޕޯސަލް ބަލައި ގަތުން އޮންނާނީ ކައުންސިލް އިދާރާގެ ކޮންފަރެންސް ހޯލް ގައެވެ.
އައްޑޫގެ ގުޅިފައިވާ ރަށްތަކުގެ ގޭބިސީތަކުގެ ކުނި މެނެޖް ކުރަން މިހާރު ހަވާލުކޮށްފައި އޮންނަނޯ ހިތަދޫގެ ކުންފުންޏެއް ކަމަށްވާ ސަދަން މޯލްޑިވްސް ކޮންޓްރެކްޓިން އެންޑް ޓްރޭޑިން އާ އެވެ.
އެހެން ނަމަވެސް އެ ކުންފުންޏަށް މި މަސައްކަތް ކުރަން ދިން މުއްދަތު މި މަހުގެ ނިޔަލަށް ހަމަވާނެ ކަމަށް އެނގިފައިވެ އެވެ.