ރައްޔިތުންގެ މަޖިލީހުގެ ތުލުސްދޫ ދައިރާގެ މެންބަރު އިބްރާޙީމް ނަސީމް، ޕީޕަލްސް ނޭޝަނަލް ކޮންގްރެސް (ޕީއެންސީ) އާ ގުޅިވަޑައިގެންނފިއެވެ.
ތުލުސްދޫ ދައިރާގެ މެންބަރު ނަސީމް ރައްޔިތުންގެ މަޖިލީހަށް ހޮވިވަޑައިގަތީ، އަމިއްލަ ގޮތުން އެ ގޮނޑިއަށް ވާދަ ކުރައްވައި މިނިވަން މެންބަރެއްގެ ގޮތުގައެވެ. ނަސީމް ޕީއެންސީއާއި ގުޅިވަޑައިގަނެފައިވާ ކަން ހާމަކޮށްފައިވަނީ ޕްރޮގްރެސިވް ޕާޓީ އޮފް މޯލްިޑްސް (ޕީޕީއެމް) އިން ކުރި އެކްސް ޕޯސްޓެއްގައެވެ.
Rayyithunge Majlis ge Thulusdhoo dhaairaage Izzaitheri Member @IbreyNaseem PNC aa gulhivadaigenfi.
Maruhabaa Naseem pic.twitter.com/w6YVfgeyBD— Progressive Party of Maldives (@ProgressPartyMV) October 29, 2023
މެންބަރު ނަސީމް ޕީއެންސީއާއި ގުޅިވައިޑައިގަތުމުން ފޯމާއި ހަވާލުވީ އެ ޕާޓީގެ ޗެއަރ ޕާސަން އަބްދުﷲ އަބްދުއްރަހީމް އެވެ.
މެންބަރު ނަސީމް ޕީއެންސީއަށް ސޮއިކުރުމާއެކު، މިހާރު ޕީއެންސީ ތަމްސީލު ކުރައްވާ ފަސް މެންބަރުން މަޖިލީހުގައި ތިއްބައްވާނެއެވެ. އަދި އިދިކޮޅު 4 މެންބަރުންނާއި އެކު ޖުމްލަ 9 އަށް އަރައެވެ.
މެންބަރު ނަސީމުގެ އިތުރު ދާދި ފަހުން، ފޮނަދޫ ދައިރާގެ މެންބަރު މޫސާ ސިރާޖުވެސް އިދިކޮޅު ކޯލިޝަނާއި ގުޅުނުކަން ވަނީ ހާމަކޮށްފައެވެ.